Dura es una aiga lengadociana, situada dins le departament d'Aude e la region d', ancianament de Lengadòc-Rosselhon. Dura es un afluent de riba esquèrra de Rojana (o puslèu d'Alzau), ela meteissa afluenta de Fresquèl, donc un sos-afluent d'Aude. En realitat Rojana seriá un autre nom d'Alzau, justament l'aiga que passa a Alzau.
Geografia La font de Dura es dins la Montanha Negra, sul penjal meridional del pic de Montaud, dins la comuna de La Prada, a 875 m d'altitud, dins le departament d'Aude. Travèrsa le lac de La Prada. A Montoliu, encontra Alzau a 149 m d'altitud, e ensemble fòrman Rojana, que s'escampa dins Fresquèl, afluent d'Aude. I a un autre biais d'explicar l'afar : Rojana sembla le nom modèrne del cors inferior d'Alzau (le vilatge d'Alzau es sus Rojana) e donc se pòt dire que Dura es un afluent d'Alzau. La longor de Dura es de 26.9 km sandreY1350540|Dura.
Toponimia Las fòrmas ancianas son : Fluvium Duranum en 815, Duranum en 854, Fluvium Duranni en 906, Durandum en 1027, Aquae de Dura en 1308, La ribiera apelade Dura en 1410 Abbé Sabarthès, Dictionnaire topographique du département de l'Aude, 1912, p. 120, legir en linha https://gallica.bnf.fr/ark:/12148/bpt6k110095d/f212.item.texteImage . Es un nom aparentat a l'ancian nom de Dordonha, Dūrānios, qu'èra benlèu « la lama d'acièr » (basat sus *dūro-, « acièr, fèrre », en referéncia a la color o metafòra guerrièra, non se sap Xavier Delamarre, Noms de lieux celtiques de l'Europe ancienne, ed. Errance, 2012, p. 144. Duranum > Durano > Duran > *Dura(n) passèt a Dura per reculament d'accent, fenomèn frequent dins le departament d'Aude.
Comunas traversadas Sonque dins le departament d'Aude, Dura travèrsa uèit comunas de l'amont cap a l'aval, La Prada (font), Les Martins, Caudabronda, Cucçac de Cabardés, Fontiès Cabardés, Brossas e Vilaret, Sant Danís, Montoliu (jonhent) .
Véser tanben Alzau (aiga)
Ligams extèrnes SANDRE
Notas
Categoria:aiga d'Occitània Categoria:aiga d'Aude