200px|thumb|right|Blocatge rotièr improvisat lo 19 de genièr de 2024 pels Joves agricultors e la FNSEA en Occitània a L'Isla de Baish (departament del Gers) 200px|thumb|right|Panel virat pels agricultors en Occitània, aquí a Marcilhac, en Borbonés occitan (departament d'Alèir) 200px|thumb|right|Los «Bonets jaunes» de la Coordinacion rurala blocant l'autorota d'Agen (Guiana) lo 24 de genièr de 2024. 200px|thumb|right|Jiròni Baile, lo 3 de junh de 2024 en Aran a la frontièra espanhòla Lo movement dels agricultors de 2024 es una seguida de manifestacions e de barratges rotièrs organizats mai que mai pels sindicats agricòlas (d'en primièr per la FNSEA, los Joves agricultors e la Coordinacion rurala, mai tardivament seguits per la Confederacion païsana) qu'a sustot pres de vam a partir del 18 de genièr de 2024.

Los agricultors protèstan contra la feblesa dels prèses dels aliments, contra las reduccions prepausadas de las subvencions governamentalas al carburant diesèl destinat als agricultors (lo GNR) e contra un projècte d'acòrdi de liure-escambi entre l'Union Europèa e lo Mercosur.

Cronologia

Debuta del movement : 16 e 18 de genièr de 2024 Lo movement, que fasiá resson a çò que se passava en Alemanha, comencèt en Occitània d'en primièr per una manifestacion a Tolosa lo 16 de genièr de 2024, manifestacion que non a pas agut l'efièch escomptat. Los agricultors d'Occitània decidisson alavetz de blocar l'autorota A 64, al nivèl de Tarba e de Carbona e a l'iniciativa de Jiròni Baile, l'elevaire del Volvèstre, lo 18 de genièr de 2024.

Cal notar qu'en amont, lo movement dels agricultors d'Occitània aviá en realitat ja començat tre octobre de 2023 per una accion simbolica de virament dels panèls de senhalizacion, e en novembre per d'accions virulentas dels viticultors (en particular lo Comitat d'Accion Viticòla) en Lengadòc e ja per d'accions de blocatge de Tolosa pels elevaires e cerealièrs.

Las rotas màgers d'Occitània son aital estadas blocadas a partir del 18 e 19 de genièr de 2024, puèi en seguida del blocatge de l'autorota d'Agen per la Coordinacion rurala (Karine Duc e José Pérez) lo 22 de genièr de 2024, aquela mena d'accion s'espandís alavetz aval la França entièra los 23 e 24 de genièr de 2024.

Lo 23 de genièr, un accident dramatic sus un barratge a Pàmias (Lengadòc) provòca la mòrt d'una agricultritz e de sa filha, percutidas per una auto.

Lo movement a damatjat bastiments publics; en Lengadòc, qualquas degradacions son atribuïdas mai especificament al Comitat d'Accion Viticòla (CRAV) a Carcassona e a Narbona.

En responsa a las protèstas, lo primièr ministre Gabriel Attal anèt en Occitània lo 26 de genièr, i rencontrèt Jiròni Baile, e a promés de renonciar a la reduccion de las subvencions publicas al carburant diesèl agricòla (GNR); s'es tanben engatjat a prene d'autras mesuras qu'an per mira de reduire lo pes financièr e burocratic dels agricultors. Se lo barratge tengut a Carbona e qualques autres son estats tirats en Occitània en seguida d'aquelas promessas, una bona partida del movement dels agricultors a pasmens contunhat, e s'es quitament amplificat endacòm mai.

D'occitan qu'èra a la debuta, lo movement ven alavetz un movement francés: aqueste còp, los agricultors franceses reclaman de melhoras condicions de trabalh, los del Maine decidisson alavetz de blocar París a partir del diluns 29 de genièr, en barrant las rotas principalas de la capitala de França, mentre que los de Franca Comtat qu'ensajan de blocar lo grand mercat de París a Rungis.

Lo 1èr de febrièr de 2024, lo primièr ministre Gabriel Attal fa de novèlas anóncias. Entre autres, promet 150 milions d'euros d'ajudas pels agricultors. Los Joves agricultors e la FNSEA demandan alavetz a lors militants que tirèn los barratges.

Blocatge de la frontièra franco-espanhòla: 3 de junh de 2024 Lo 3 de junh, los sindicats païsans franceses (Los Ultras de l'A64 de Jiròni Baile e la Coordinacion rurala) e la plataforma catalana Revolta Pagesa amb d'autres sindicats païsans espanhòls an blocat la frontièra franco-espanhòla.

Represa : octobre-novembre de 2024 200px|thumb|right|Lo movement dels agricultors tornèt tre lo mes d'octobre en Occitània, amb l'eslogan pas de pays sams paysans (aquí sus un giratòri a Granada de Garona). Tre lo 18 d'octobre, amb l'eslogan pas de pays sans paysans (pas país sens païsans), lo movement dels agricultors tornèt ("Acte 2"), ambe aqueste còp una accion de desbolonatge del panèls de las entradas de las vilas e dels vilatges, los quals foguèron depausats en seguida al pès dels bastiments publics, o ambe l'ocultacion per de tendas dels radars rotièrs.

A partir del 18 de novembre, la FNSEA, puèi la Coordinacion rurala, lo 19 de novembre, menèron de gròssas accions de blocatge de divèrsas infrastructuras, prefecturas, centres comercials, centralas de crompa, e quitament lo pòrt de Bordèu.

Tornarmai en decembre de 2025 pr'amor de la gestion de l'epidèmia de dermatose nodulara 200px|thumb|right|Blocatges massís de las carrièras del departament del Gers adobats per la Coordinacion rurala al mes de decembre de 2025.

A la fin de l'annada 2025, l'epidèmia de dermatose nodulara contagiosa (DNC) dels bovins s'espandís. La politica del governament francés per contenir la malautiá consistís a abatre tot lo bestial tre qu'un cas es detectat. Aquel metòde es fòrça criticat en Occitània. Atal, fòrça manifestants, coma lo quite Jiròni Baile, se mobilizan lo 10 de decembre de 2025 per protestar contra la mesura d'abatatge del tropèl d'una bòrda de Las Bòrdas d'Arisa en País de Fois. La gendarmariá desblòca l'accès a la bòrda lo 12 de decembre. Los dos elevaires del tropèl concernit balhan alavetz l'autorizacion d'abatre las 207 bèstias.

En reaccion, còp-sec la mobilizacion agricòla s'espandís ambe d'accions espontanèas de blocatges per Occitània tota. Per calmar la revòlta agricòla en Occitània, lo governament promet alavetz de botar en plaça una granda campanha de vaccinacion per limitar l'eradicacion del bestial e manda en urgéncia a Tolosa lo 18 de decembre de 2025 per avion militar de que vaccinar 750 000 vacas.

Al meteis periòde, lo Mercosur que deu èsser signat per l'Union Europèa alimenta tanben la colèra agricòla.

A la debuta de genièr de 2026, mantunas cridas son lançadas per la Coordinacion rurala per reprene los blocatges de las carrièras. D'agricultors capitan quitament de dintrar dins París lo 8 de genièr de 2026 en anent dins de luòcs simbolics coma còsta l'Assemblada nacionala, l'Arc de trionf, la Torre Eiffel e los Champs-Élysées.

Pasmens, lo tractat de liure-escambi ambe lo Mercosur es ça que la signat al Paraguai lo 17 de genièr de 2026 per la presidenta de la Comission europèa Ursula von der Leyen, çò qu'engendra lèu una baissa de la mobilizacion dels agricultors.

Articles connèxes Revòlta agricòla europèa de 2024 Jiròni Baile Karine Duc José Pérez

Referéncias

Categoria:Eveniment recent