Lo canton de Pinòus es una anciana division administrativa d'Auvernhe, mas tanben de Gevaudan (La Becèira, amb un dobte) situada dins l'arrondiment de Briude, lo departament de Naut Léger e l'anciana region d'Auvernhe, avòra en Auvèrnhe-Ròse-Aups. 6 comunas son dempueis 2015 dins lo canton de Gorjas d'Alèir-Gevaudan (burèu centralizator : Lanjac) e las autras tres dins lo canton delh País de La Faieta. La lenga autoctòna es l'occitan auvernhat, dins sa varianta d'Auvernhe Naut.
Composicion NomCòdi INSEESuperficia (km²)Populacion Densitat (ab/km²)IntercomunalitatCanton novèu Auvers4301521,5 () CC de las Ribas delh Naut Alèir Gòrjas d'Alèir-Gevaudan La Becèira4302921,57 () CC de las Ribas delh Naut Alèir Gòrjas d'Alèir-Gevaudan Chastel4306527,69 () CC de las Ribas delh Naut Alèir País de La FaietaChaselas430684,9 () CC de las Ribas delh Naut Alèir Gòrjas d'Alèir-GevaudanCrònça4308216,15 () CC de las Ribas delh Naut Alèir País de La FaietaDesges4308516,83 () CC de las Ribas delh Naut Alèir Gòrjas d'Alèir-GevaudanFerruçac4309417,08 () CC de las Ribas delh Naut Alèir País de La FaietaPinòus4315134,92 () CC de las Ribas delh Naut Alèir Gòrjas d'Alèir-GevaudanTailhac4324212,52 () CC de las Ribas delh Naut Alèir Gòrjas d'Alèir-Gevaudan
Geografia L'altitud delh canton z-es nauta, sovent superiora a 1000 m. Ne'n resulta una densitat de populacion bassa (avòra inferiora a 5 ab/km²) e la feblessa de la periurbanizacion, a causa delh freid e de las dificultats de circulacion en ivèrn. La populacion pòt pas que se demenir amb la tombada de la populacion agricòla : 1957 abitants en 1962, 891 en 2012.
Istòria Lo cas delh canton de Pinòus es rare : saguèt pas creat a la revolucion, mas en 1801, quand tant de cantons saguèron suprimits. Una partida de las comunas venián del canton de Lanjac e al mens doàs, Chastel e Crònça, venián delh canton de La Vòuta (fònt, per chasca comuna, lo site Cassini). Lo canton saguèt suprimit a l'ocasion de la novèla reparticion delhs cantons de 2014, aplicada en 2015, pelh decret delh 17 de febrièr de 2014, que creèt lo canton de Gorjas d'Alèir-Gevaudan e lo canton delh País de La Faieta Decret n° 2014-162 delh 17 de febrier de 2014 portant delimitacion delhs cantons dins lo departament delh Naut Léger.
Nòtas