thumb|right|200px|Robert Ménard a Tolosa (Occitània) en 2015
Robert Ménard, nascut lo 6 de julhet de 1953 a Oran (Argeria francesa), es un òme politic d'Occitània (d'origina Pè Negre), assagista e jornalista francofòn : òme de ràdio (a fondat Ràdio Pomarède dins lo Lengadòc en 1978, puèi a partir de 1983, ven jornalista a Ràdio France Hérault), es sustot conegut per èsser estat lo cofondator de l'associacion Reportaires Sens Frontièras (RSF) en 1985 a Montpelhièr (Occitània), ambe lo sosten del president socialista François Mitterrand. Es estat lo secretari general de Reportaires Sens Frontièras de 1985 fins a 2008.
Identificat d'extrèma drecha, lança en 2012 lo siti internet Boulevard Voltaire (Baloard Voltaire), e a las eleccions municipalas de 2014, es elegit en Occitània cònsol màger de Besièrs ambe lo sosten del Front Nacional.
Descrich coma populista, son primièr mandat es marcat per de mesuras e declaracions fasent polemica fins al nivèl nacional,Robert Ménard ne débaptisera finalement pas l’école Nelson Mandela https://www.mediapart.fr/journal/france/160115/robert-menard-ne-debaptisera-finalement-pas-l-ecole-nelson-mandela e que son estadas per d'unas sancionadas per la justícia.
Après la victòria de sa lista tre lo primièr torn de las municipalas de 2020, es elegit un còp mai cònsol màger de Besièrs, e pren alavetz la presidéncia de la comunautat d'aglomeracion Besièrs Mediterranèa, venent la primièra personalitat d'ultradrecha a accedir a la presidéncia d'una intercomunalitat en Occitània.
Al mes de març de 2026, es tornarmai elegit cònsol màger de Besièrs, aqueste còp sens lo sosteng del Recampament Nacional.
Referéncias
Categoria:Naissença en 1953 Categoria:Personalitat politica francesa Categoria:Extrèma drecha francesa