La batalha de la RC4 se debanèt entre setembre e octòbre de 1950 durant la Guèrra d'Indochina. Opausèt de grops de tropas francesas en retirada ( òmes au totau) a una fòrça Viet Minh de òmes. S'acabèt per una victòria vietnamiana e una quasi destruccion deis unitats francesas.
La rota coloniala 4 èra un aisse important durant la premiera partida de la Guèrra d'Indochina. Situada au nòrd de l'Indochina Francesa, passava lòng de la frontiera chinesa e permetiá de'n assegurar la susvelhança. Pasmens, en 1950, après la desfacha dau Guomindang e la proclamacion de la Republica Populara de China, la region venguèt tròp perilhosa per lei garnisons francesas. D'efiech, sostengut per lei comunistas chinés, lo Viet Minh i aviá una libertat de movement quasi totala mentre que lei Francés èran plus capables de quitar sei fortificacions. En mai, lo comandament dau còrs expedicionari francés decidèt donc d'abandonar la region.
Dins aquò, l'operacion foguèt mau preparada. La chausida de la RC4 èra pas bòna car lo camin èra expausat ais emboscadas. Una evacuacion aeriana ò un passatge per la RC3 presentavan mens de riscs. De mai, plusors unitats embarquèron de familhas e de grops d'abitants favorables a França, çò que demeniguèt sa velocitat. Enfin, lo Viet Minh recebèt d'informacions sus lei projèctes francés. Lei grops en retirada foguèron donc enceuclats e deguèron menar de combats fòrça durs per permetre a una pichona partida dei combatents francés d'arribar dins la region dau deltà de Tonquin. Lo còrs expedicionari francés perdiguèt ansin òmes. Lo Viet Minh perdiguèt òmes, mai prenguèt lo contraròtle de la quasi totalitat de la frontiera septentrionala d'Indochina. Aquò li permetèt d'establir de linhas logisticas eficaças amb China.
Liames intèrnes
Guèrra d'Indochina.
Bibliografia
Nòtas e referéncias