Enric I de Rodés (c.1175 - Tèrra Santa, 1221/2), de l'ostal de Milhau, èra un nòble e trobador occitan. Èra comte de Rodés e vescomte de Carlat de 1208 fins a 1221 o 1222, l'an probable da sa mòrt.
Biografia Èra lo filh e successor d'Uc II, comte de Rodés e vescomte de Carlat, e de Bertranda d'Amalon..
Casèt en 1212 amb Algaieta d'Escoralha, senhora de Benavent, Vic e Marmiesse. De son matrimòni nasquèron tres enfants conegutsː.
Guisa/Guida de Rodés, probablament l'ainada, esposa lo baron Ponç de Montlaur, senhor de Posquiera e de Càstrias. Uc IV (1212 - † 1274), que devendrà comte de Rodés. Guibèrt de Rodés, senhor de Vic, Marmiesse e Escoralha.
Al començament de la Crosada albigesa, dès de 1209, prenguèt lo costat del comte de Tolosa e s'opausèt a la crosada. Pasmens, en 1214, l'evesque de Rodés cridèt Simon de Montfòrt, lo menaire de la crosada, a Roergue e Enric se sometèt. Perque aviá pagat de mercenaris per combatre la croada, lo legat papal Robert de Couçon deguèt s'expropriar sas tèrras, mas Montfòrt l'aculhiguèt coma vassal. Enric I de Rodés jurèt leialtat a Simon de Montfòrt lo 7 de novembre de 1214. Après la mort de Montfòrt en 1218, reconeguèt son filh Amauric coma lo nòu senhor.
En 1219 anoncièt sa participacion a la Cinquena Crosada. Lo 29 de junh de 1219, present dins lo camp del prince Loís VIII pendent lo sètge de Tolosa, daissèt l'administracion de sas tèrras a l'avesque de Rodés pendent son abséncia, probablement perque son filh ainat èra encara menor d'edat.
Tomba malaut a Acre e redigís en octobre de 1221 un codicille a son testament. Moriguèt d'aquela malautiá vèrs 1222, totjorn pendent la Cinquena Crosada.
Trobador Enric de Rodés èra tanben un trobador. De son òbra an subreviscut dos partiments amb Uc de Sant Circ. Un d'eles es N'Ugo, vostre semblan digatz (185.2=457.24).Una explicacion sobre la numeracion de la poesia trobadoresca d'acòrd amb lo repertòri de Pillet e Carstens se troba a l'article Alfred Pillet.
Sa filha Guisa casèt amb lo trobador provençal Ponç de Montlaur.
Fonts Nòtas
Referéncias
Bibliografia
Veire tanben Articles connèxes Lista de trobadors e trobairises Ligams extèrnes
Categoria:Ostal de Milhau Categoria:Comte de Rodés Uc 02
Categoria:Trobador occitan Categoria:Noblesa occitana Categoria:Rodés
Categoria:Camp occitan de la Crosada dels Albigeses Categoria:Crosat de la Crosada dels Albigeses
Categoria:Crosat del sègle XIIICategoria:Òme crosatCategoria:Cinquena Crosada Categoria:Compositor medievauCategoria:Compositor roergat Categoria:Escrivan occitan Categoria:Militar occitanCategoria:Militar francés Categoria:Poèta occitanCategoria:Poèta francés
Categoria:Naissença al sègle XII Categoria:Decès al sègle XIII