Lo bonèt de prèire (Euonymus europaeus), es un arbust o un arbrilhon de la familha Celastraceae.
Descripcion
Es un arbust comun en França, que pòt mesurar de 3 a , tijas quilhadas, ramificadas, verd mat, gaireben quadrangulàrias (sovent marcadas de 4 crèstas blancassas mai o mens siurosas) e las fuèlhas opausadas e finament dentadas e de las floretas verd-jaunassas. Aquel arbust es subretot remarcable per sos fruits a l'auton, de capsulas ròsas daissant veire a maturitat de granas iranjas, o capsulas ròse viu que daissan veire de granas rojas lusentas. La grana es entièrament envolopada d'una arilha, que li balha sa color.
Son aspècte lo fa escaissar "bonet de prèire" o "bonet de capelan". A l'auton, son fulhatge se colora parcialament en roge, de còps que i a viu, que ne fa una planta fòrça presada dins las baranhas per son aspècte decoratiu.
Ten una creissença rapida, mas una febla longevitat.
Comun pertot levat en Mediterranèa.
Espècia eliofila o mièg-ombra. Se tròba dins las baranhas, las aurièras, los bòsques, las fagedas.
De bon multiplicar per semenada, botura e marcota.
Referéncias
Categoria:Flòra (nom scientific)