vignette|Logo de Occitània País Nòstre. Occitània País Nòstre es una amassada politica occitana fondada al mes de novembre de 2019 per de militants eissits de la plataforma occitanista Bastir! e en particular d'aderents de l'associacion País Nòstre. vignette|Joan Pèire Laval (a esquèrra), president e fondator de l'associacion País Nòstre, còsta Clara Daugé (a dreta), devenguda copresidenta de Occitània País Nòstre lo 5 de decembre de 2021 (Narbona, Lengadòc) vignette|Lo malhum ("comitats") de Occitània País Nòstre en Occitània au primièr de març de 2021. vinheta|Stéphane Albert, copresident en 2021 de Occitània País Nòstre
Cronologia
Aquel nom Occitània País Nòstre es estat causit sul cort tèrme en prevision de la campanha de las eleccions municipalas de 2020 en França en remplaçament de Bastir! qu'èra lo nom causit per las de 2014.
La causida del nom Occitània País Nòstre marcava per la meteissa escasença lo maridatge oficial de l'associacion País Nòstre, que fòrça militants avián aderit tre sa naissença a la plataforma Bastir!, ambe lo movement Bastir Occitània, qui el regropava dempuèi 2016 de militants demorats actius de la dicha plataforma Bastir!.
En realitat, de nombroses militants occitanistas èran de tot biais encartats dins las doas associacions, a l'encòp Bastir Occitània e País Nòstre.
Municipalas 2020
A las eleccions municipalas de 2020 en França, Occitània País Nòstre a donc labellisat jos aquel nom un cinquantenat de listas en Occitània.
Pendent los debats a prepaus del projècte de LGV en region Occitània, Occitània País Nòstre pren posicion en sa favor.
Fin 2020, Occitània País Nòstre reivindica una ret de 200 comitats dins 40 departaments franceses, tanben a Barcelona e a Brussèlas.
Regionalas de 2021 Lo 31 de març de 2021, Occitània País Nòstre anóncia sostenir la lista « Bastir Occitània » a las eleccions regionalas en Region Occitània (cap de lista : Joan-Luc Davezac) en aligança ambe Resistim, lo partit de Joan de Lassala. Aquela coalicion compren tanben d'aderents del Partit de la Nacion Occitana, del Partit republican solidariste, del movement ecologista Democracia éco-ciutadana (DEC) e de l'associacion MGO.
Pendent lo congrès del 5 de decembre de 2021 lo movement òpta per una copresidéncia partejada entre Claire Daugé e Stéphane Albert.
Legislativas 2022 Lo 1èr de junh de 2022, « Bastir Occitània » desvèla 14 candidaturas per las eleccions legislativas en França, 13 en Occitània e una a París. Al marge d'aqueles candidats oficials estampilhats « Bastir Occitània », lo labèl País Nòstre es tanben atribuït en Region Occitània a tres candidaturas de Resistim, lo partit de Joan de Lassala.
Legislativas 2024 A las eleccions legislativas de 2024 en França, en seguida de 2022, « Bastir Occitània » a presentat 7 candidaturas en Occitània.
Sentorialas 2026 A las eleccions senatorialas de 2026, Joan-Luc Davezac presenta la lista "Bastir Occitània 31" dins Nauta Garona en orientant sa campanha sus la tematica de la question agricòla. Aquela lista compren en particular Sylvie Bonnemaison (candidata a las eleccions legislativas de 2022 e de 2024 sostenguda per Joan de Lassala e lo PNO) e Stéphane Albert, lo copresident d'Occitània País Nòstre. Dins Gèrs, Patrice Cuquel se presenta coma candidat independent, pasmens "Bastir Occitània" crida a votar per aquesta candidatura ; en mai d'aquò, Patrice Cuquel a prés coma suplenta Clara Daugé, ela tanben copresidenta d'Occitània País Nòstre.
Vejatz tanben Bastir! País Nòstre
Categoria:Partit politic francés Categoria:Partit politic occitan Categoria:Occitanisme