Annalisa Chevalier es una assagista e tamborinarèla francesa, especialista de Camarga.

Biografia Filha dau cabiscòu dau club taurin dau vilatge de Graveson, Jan Garèta, Analisa Chevalier nais Garèta lo 8 d’avost 1968 a PantinMoucadel et al. 2024, p. 217.. Apren lo tambourin au conservatòri d’Avinhon e lo provençau a l’universitat d’Avinhon. Pren lo nom "Chevalier" en 1997Moucadel et al. 2024, p. 217..

Carriera professionala Cargada de la comunicacion e dau patrimòni culturau per la comuna dei Santei Marias de la Mar quatòrge ans de temps, es tamben guida naturalista. Devèn puèi cargada dei paluns e dei tradicions a la Comunautat de comunas de Pichòta CamargaMoucadel et al. 2024, p. 217..

Lenga e literatura Ensinha lo provençau dins l’encastre de l’associacion Siam d’aquí de VauverdPortrait d'Annelyse Chevalier, catalogue.ina.fr.Fiers d'eux, France Bleue Gard-Lozère, 10/01/2018., emai ai Santei Marias emé l’Escòla de Camarga despuei sa fondacion en 2021Lou Felibrige n° 323, març-abril 2021..

Mestressa d’òbra dau Felibritge en 2017Annelyse Chevalier Mestresso d'Obro, La Provence, 24/09/2017., n'es elegida majorala en 2021La Gardoise Annelyse Chevalier a fait des traditions provençales son quotidien, Midi Libre, 09/01/2022, sus la cigala de la Jana ò de Moissídan, detenguda per avans per Robèrt Rousset. Dins aquela reconeissença, Sara Collet vei la pròva que « la fema fai l’empèri dins leis institucions a l’entorn dei tradicions localas ». Creèt tamben un sota-sindicat de la mantenença felibrenca de Lengadòc per Camarga.

Sòcia de l’Associacion dei miegjornaus de Scèus (escòla felibrenca), receup per aquò la medalha de bronze de Florian en 2019SceauxMag n° 504, julhet-aost 2019 p. 5.

En 2023, intra dins la jurada dau Grand Prèmi Literari de ProvençaGrand Prix Littéraire de Provence : Ventabren, histoire, Lauréats..

Despuei 2025, presidís lo Forom d’òcLa Tarasca n° 83.

Es administrarèla dei Rescontres mediterranhas Aubèrt CamusRencontres Méditerranéennes Albert Camus - Qui sommes-nous ?. e participa ais activitats dau CREDD'OMoucadel et al. 2024, p. 217..

Defensa de Camarga Es correspondenta e cronicarèla de corsa camarguenca per La Provence, emai gardian amatora a la manada RaynaudAnnelyse Chevalier reçoit le prix Charles-Bortoli, La Provence, 19/12/14.. Es membre de la Comession Patrimòni, Istòria e Tradicion de la Fedaracion francesa de corsa camarguenca Fédération française de la course camarguaise (FFCC) - Commission culture, patrimoine et tradition, CTHS..

Despuei 2017, es sota-cabiscòla dau comitat de sostèn dau pargue naturau regionau de CamargaUn vent nouveau souffle sur le comité de soutien, La Provence, 13/06/2017..

Es tamben afilhada a la Nacion Gardiana e a l’Associacion Baroncelli.

Musica

Tamborinarèla despuei 1992Moucadel et al. 2024, p. 217., jòga dins lei grops Òsca a Nimes, Balatrans a Uchau, Lei Cigalons arlatencs a Arle e Revolum a Mauguiò29ème concours d’abrivado de Vauvert, tradicioun.org, 2/06/2014.

Vida personala Avent plantat cavilha a Gallician (Vauverd) a 30 ansMoucadel et al. 2024, p. 217., a un fiu — Guilhaume, eu tamben tamborinaireListe de tous les tambourinaires, zictrad.free.fr. — e una filha — Justina.

Produccion intellectuala « Especialista de la question camarguenca »Sarah Collet, Camargue : évolution d'un mythe territorial autour des manades : De la Nacioun Gardiano à la manade contemporaine (de 1909 à nos jours), Universitat Montpelhièr III, 2024, p. 111, n. 161., consacra en 2004 la premiera monografia au bòsc dei Rièges, en CamargaBulletin des amis du vieil Arles, n° 125, decembre 2004 p. 7.. Sa reedicion en 2014 en cò d’Actes Sud i adutz lo prèmi Carles Bortoli de l’Académia de MarselhaAnnelyse Chevalier : lou Riege, cor de la Camargo, La Provence, 08/03/2015..

En 2007, s’interèssa ai gardians de Camarga, en prepausant una sintèsi sus aquela activitat emé de testimònisVaqui n° 53 en Arles, France 3 Provence Alpes, 31/03/2007, catalogue.ina.fr.Exposition en Camargue, France 3 Provence Alpes, 24/02/2007.. Una exposicion se tèn au museom de CamargaGérard Chouquer, « Robert Zaretsky, Le coq et le taureau. Comment le marquis de Baroncelli a inventé la Camargue. Préface de Sabine Barnicaud. Traduit de l’anglais par Cécile Hinze et David Gaussen. Marseille, Éditions Gaussen, 2008, 238 p. », Études rurales n° 183, 2009..

En 2022, fa espelir un tresen obratge, consacrat a l’istòria dei Santei Marias despuei l’Antiquitat fins a l’epòca contemporana, e illustrat emé de documents avenats dau fons Taillet ; seguís l’evolum de la comuna au fieu dau tempsAnnelyse Chevalier livre son troisième ouvrage, Midi Libre, 28/12/2022..

En mai d’aquò, participèt a l´L'Encyclopédie de la Camargue, emé mantun articles sus lei manadas, lei gardians, l’abaliment dei buòus e chivaus de Camarga, e aqueu dei buòus de combat (Buchet-Chastel, 2013) e a l’obratge Les Femmes et le féminin en terres d'oc et au Félibrige, em'un estudi biografic sus la felibressa Clemença Pagés (2023).

Provençau En 2021, recensa lo vocabulari de la corsa camarguenca « ligat emé la lenga d’òc ».

En 2022, pronóncia una dicha en omenatge a son davancier Robèrt Rousset, editat per lo Felibritge.

Escriu de tèxtes en aqueu dialècte dins ‘’Lou Felibrige’’Moucadel et al. 2024, p. 217..

Libres Le Bois des Rièges : cœur de la Camargue, entre mythe et réalité, récits de gardiens, manadiers, pêcheurs et autres camarguais, Somèire, Gilles Arnaud, 2004 ISBN 978-2-330-03415-3 (reeditat en cò d'Actes Sud en 2014). Les Gardians de Camargue, Arle, pargue naturau regionau de Camarga, 2007 ISBN 2-906632-28-7. Laus de Roubert Rousset, Ais de Provença, Felibritge, 2022 (legir en linha). Les Saintes-Maries-de-la-Mer : mémoire d'un village du bout du monde, Arle, Errance et Picard, 2022 ISBN 978-2-38473-006-3.

Referéncias

Annèxas Bibliografia « Li nouvèu majourau », Lou Felibrige, n˚ 327, p. 33-34, novembre 2021. «Annelyse et Guillaume», dins Aliça Traisnel (sota la direccion de Laurenç Alibèrt e Jan-Leo Léonard), Socio-ethnolinguistique contrastive en domaine occitan : documentation des « langues en danger » et activisme socioculturel (tèsi), universitat Montpelièr III, 2023, p. 323 (legir en linha). «Anoliso Chevalier» (pref. Reinier Mocadèl), dins Aguste Chabaud e li Gravesounen : escri prouvençau, Graveson, CREDD'O, 2024, p. 217-225.

Liames extèrnes

Categoria:Majorau dau Felibritge Categoria:Mèstre d’òbra dau Felibritge Categoria:Naissença en 1968 Categoria:Naissença dins lei Bocas de Ròse