thumb|right|Granodiorita (Califòrnia).
La granodiorita es una ròca magmatica intrusiva principalament compausada de qüars, de feldspats potassics (microclina, ortòclasa), de plagioclasis (albita, oligoclasa) e de biotita. La preséncia d'augita, d'apatita, de magnetita e de titanita es possibla. A una estructura massisa constituïda de gruns fins a mejans. Es generalament de color gris clar amb de tacas sornas mai ò mens nombrosas. Aquel aspècte es fòrça similar ai granits clars e, sovent, una analisi petrografica permet de destriar lei doas ròcas.
La granodiorita forma de plutons. Pòu tanben s'observar dins lei regions marginalas diferenciadas dei batolitas. Lei jaciments principaus se tròban dins lei cadenas de montanhas en cors d'orogenèsi, en particular ais Estats Units, en Japon, en Norvègia, en Romania e en Àustria. Es utilizada coma materiau de construccion ò per produrre de lausas ornamentalas. La Pèira de Roseta es una pèira de granodiorita(en) Andrew Middleton e Dietrich Klemm, « The Geology of the Rosetta Stone », The Journal of Egyptian Archaeology, vol. 89, 2003, pp. 207–216..
Liames intèrnes
Feldspat. Granit. Riolita.
Bibliografia
(fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.
Nòtas e referéncias
Categoria:Ròca Categoria:Ròca magmatica Categoria:Ròca plutonica