vinheta|Lo Rossinyol a son pas per Sant Miquel del Fai. Sant Miquel del Fai es un monastèri bastit al dessús d’una rancareda dins la comuna de Bigues i Riells del Fai (Catalonha). Ça que là, es tanben plan pròche dels vilatges de Sant Feliu de Codines (d'ont sortís la rota que i mena) e Sant Quirze Safaja.
Istòria Instituit per Gombau de Besora sènher del Castèl de Montbui, pendent los sègles X e XV i demorèt una comunitat de monges benedicitins.
En 1832, lo priorat foguèt abolit, e en 1835 foguèt espoliat puèi vendut. Passèt aital a las mans privadas que, dins la segonda mitat del sègle XX e las primièras annadas del XXI, transformèron lo luòc en una importanta destinacion toristica. L'espleitacion comerciala del sit es pas estat pro sonhosa, e d'unes elements ancians son estats destruches sens cap de critèri ni planificacion.
L’annada 2017 la Diputacion de Barcelona crompèt l’espaci natural a l’entrepresa que l’aviá e l'apondèt dins la ret de pargues naturals del govèrn regional de Barcelona."La Diputació de Barcelona adquireix Sant Miquel del Fai per convertir-lo en un espai públic i de referència patrimonial i natural", Diputacion de Barcelona. Aprés d’un larg temps de trabalhs es dobèrt per i far de visitas d’escolans e amators de gausir de la natura.
Environament La situacion del monastèri es excepcionala pr’amor que se trapa sus la convergéncia del riu Rossinyol amb lo Tenes ont se maridan amb dos sauts d’aigas plan valorisats environamentalament.
Lo pargue a tanben las glèisas de Sant Miquel (dins d’una bauma), Sant Martí del Fai e doas baumas en mai.La Diputació compra l'espai natural de Sant Miquel del Fai, Avui, 23/5/2017
Lista de priors de Sant Miquel del Fai
Joan (1059-1074) Pere Homine (o èra lo 1113) Guillem (lo 1124) Riquer (lo 1149) Bertran de Montedesiderio (lo 1236) Pere Serenus (lo 1240) Ramon (lo 1246) Folc (1252-1254) Berenguer (lo 1255) Felip Jordà (lo 1265) Eimeric de Ginsac (1285-1288) Jaume Guillem (lo 1292) Hug Pere (lo 1296) Bertran de Calençó (1300-1329) Bertran d'Oliveres (administrador, 1324) Marquès Guillem (1330-1338) Gaucelí de Sant Amanç (1351-1356) Nicolau, cardinal de Sant Sixt (1360-1366) Bernard de Lausensons (1363-1365) Deodat Jordà (1373-1378) Lluís de Castellbell, escaissat Cordelles (1394-1427) Gaucefred de Millars (lo 1433) Roderic de Borja, evesque de Barcelona (1473-1478) Gonzalo Fernández de Heredia, evesque de Barcelona (1479-1495) Frederic de Portugal, arquevesque de Saragossa (1533-1536) Pere de Castellet, evesque d'Urgell (1537-1566)
Referéncias
Bibliografia
ANGLADA BAYÉS, Manuel; CAMPS I SÒRIA, Jordi; PLADEVALL I FONT, Antoni: "Sant Miquel del Fai". Dins El Vallès Occidental. El Vallès Oriental. Barcelona: Enciclopèdia Catalana, 1991 (Catalunya romànica, XVIII), ISBN: 84-7739-271-4. GAVÍN,Josep M.:Vallès Oriental, Barcelona: Arxiu Gavín i Editorial Pòrtic, 1990 (Inventari d'esglésies, 23), ISBN: 84-7306-410-0.
Categoria:Monument de la província de Barcelona Categoria:Edifici religiós de Catalonha