Konpantzia (tanben coneishuda com l'Illa deus Hasans o l'Illa de la Conferéncia; a l'origina, Intzura) qu'es ua illa de Bidassoa près de l'embocadura, enter Pausu, Irun e Hendaia . Qu'a ua superfícia de 6.820 m², i es deshabitada. Qu'èra ancianament dens la comuna de Hont Arràbia, mès qu'es ara en las comunas d'Irun e Hendaia, en alternància cada shèis mes. Qu'es situada enter los estats espanhòl e francés, e aqueths dus estats que possedeishen l'illa en alternància.
Nom Konpantzia que seré ua adaptacion au basco de conferencia. Anteriorament, l'illa èra nomenada Erietxearen uhartea e Intzura.
Codificacion L'illa reçaup lo còdi 98101 de l'INSEE (còde oficial geografic) dempuish 1943.Code officiel géoographique au 1er janvier 2025. Non es pas codificada per l'INE (20045 qu'es lo còdi tà Irun).
Istòria En 1659, Luis de Haro, representant de de l'arrei Halip IV d'Espanha, e Mazarin, purmèr ministre de l'arrei Loís XIV de França, que signèn la Patz deus Pirenèus . Segon aqueth acòrdi, enter autes causas, l'arrei de França e de Navarra que cedèt definitiavament la Hauta Navarra a l'arrei d'Espanha. Lo nòrd de Catalonha (Roselhon, part de Cerdanha), de l'aute costat, que passèc a l'estat francés. Atau, las montanhas deus Pirenèus que hon presas com frontièra enter los estats espanhòu e francés, e Bascoat e Catalonha foguèron partejats. La patz que hó conclusa dab lo maridatge de Loís XIV de França (l'Arrei Solelh) e de l'Infanta Maria Teresa d'Espanha.
Pendent la guèrra de l'Aliança Quadrupla, d'armadas francesas qu'ocupèn los territòris d'Álava, Bizkaia e Gipuzkoa; totun, un acòrdi qu'estó trobat e, com signe de l'aliança navèra enter las dinastias francesa e espanhòla, las duas coronas qu'escambièn las princessas Luisa Elisabèt (dotze ans) e Maria Ana Victòria a Companhia lo 6 de gèr de 1722, entà estar maridadas damb princes deus dus país.
Categoria:Bascoat