Friedrich Merz, nascut lo 11 de novembre de 1955 a Brilon (Renània del Nòrd-Vestfàlia), es un òme d'afars e òme d'Estat alemand membre de l'Union crestiana-democrata d'Alemanha (CDU). Es cancelièr federal dempuèi lo 6 de mai de 2025.
Foguèt deputat europèu de 1989 à 1994 e membre del Bundestag entre 1994 e 2009. Presidèt a partir de 2000 lo grop CDU/CSU a la cambra bassa, abans d'èsser escartat en 2002 per Angela Merkel, considerda puèi coma son eternala rivala.
Tenent d'una linha liberala-conservatritz, foguèt candidat a la presidéncia de la CDU durant los congrèsses de 2018 e 2021, e o emportèt largament en 2021. Reelegit al Bundestag, tornèt prene la tèsta del grop CDU/CSU.
Menèt la CDU/CSU durant les eleccions federalas de 2025, que vegèron lo camp conservator tornar venir la primièra fòrça politica d'Alemanha. Accediguèt puèi a la direccion del governament federal après aver format una coalicion negra-roja amb lo Partit social-democrata (SPD).