Lo monastèri de Nòstra Dòna de Ganagòbia es una abadiá benedictina situada a unes 15 quilomètres al nòrd-èst de Foncauquier e a prèp de 30 quilomètres al sud de Sisteron, dins lo departament dels Alps de Provença Auta dins la region Provença-Alps-Còsta d'Azur.
Es conegut per son notable paviment de mosaïcas medievalas policròmas, datat de la decennia 1120-1130, sens equivalent en França.
L'abadiá es situada al dessús del lièch deDurença, sus un platèu estrech vorejat per de penjals escarpats. La Via Domícia, que corrís lo long d'aquel platèu, constituissiá, a l'epòca gallo-romana, la rota "mai corta e mai segura" segon Estrabon, entre Espanha e Roma. Aquò èra encara lo cas a l'Edat Mejana. Al pè del tuc de Ganagòbia, un pont roman travèrsa lo Buès e es encara utilizat..
Un priorat foguèt fondat au par l'avesque de Sisteron que lo donèt en 965 a l'abadiá de Cluny. Durant la Revolucion Francesa, solament tres monges demorèron, e se dispersèron. Lo priorat foguèt abandonat entre los sègles XV e XX. Devengut una abadiá aculhiguèt la comunautat benedictina de Santa Magdalena de Marselha dempuèi 1987, establida abans a l'abadiá d'Autecomba. En 1992, l'abat Michel Pascal (1941-2018), elegit en 1976 e demissionari en 1996, decidiguèt, après un vòte de la comunautat, de transferir tota la comunautat a Ganagòbia.
Los monges fabriquèron tota una gamma de cosmetics e de balmes a basa d'òlis essencials, dont lo "balme del pelegrin". L'abadiá fa partida de la congregacion Solesmes, dins la confederacion benedictina.
Etimologia La significacion del tèrme es l'objècte de divèrsas ipotèsis: siá una raïtz oronimica (en referéncia a la nautor que lo monastèri es bastit), siá una allusion a una torre en marrit estat.
Articles connexes
Priorat de Sant Andreu de Rosans Capèla Sant Sixt d'Aubinhan Ganagòbia
Ligams extèrns
Sit oficial del monastèri Fotogragia aeriana L'ancian claus de l'abadiá