SpaceX Crew-12, designat tanben pel nom de mission Epsilon per l'astronauta francesa Sophie Adenot, es un vòl espacial abitat del vaissèl Crew Dragon de la societat americana SpaceX. Dotzena mission operacionala del Commercial Crew Program de la NASA e vinten vòl orbital abitat d'un vaissèl Crew Dragon, carreja quatre membres d'equipatge – los astronautas de la NASA Jessica Meir e Jack Hathaway, la spacionauta francesa de l'ESA Sophie Adenot, e lo cosmonauta de Roscosmos Andreï Fediaïev – cap a l'Estacion Espaciala Internacionala (ISS).
Lo lançament, previst al pus lèu lo 15 de febrièr de 2026, foguèt avançat de quatre jorns en rason del retorn anticipat de SpaceX Crew-11. Aguèt finalament luòc lo 13 de febrièr de 2026.