Carolina Maria de Jesus (Sacramento, Estat de Minas Gerais, 14 de març de 1914 – São Paulo, 13 de heurèr de 1977) qu'estó ua escrivana brasiliana. L'autora, afrobresiliana vivent dens ua favela e mair celibatària de tres mainatges, qu'obtienó ua reconeishença publica importanta après la publicacion deu son jornau intime, Quarto de Despejo, dens lo quau i consignè las soas experiéncias de misèria, de desespèr e de marginalitat.
Lo libe qu'ei estat publicat a São Paulo en 1960 dens ua edicion de 10 000 exemplars, tots estarits en tres dias. Qu'ei estat tradusit en mei de dètz lengas e qu'ei vadut un best-seller.
Carolina de Jèsus qu'èra tanben compositora, contaira, dramaturga e poetessa.Naiara Galarraga Gortazar, "Carolina Maria de Jesus, la plume retrouvée des favelas", Courrier International, no 1619, 10 noveme 2021, traduccion d'un article pareishut lo 8 d'octobre de 2021 dens El Pais Brasil. Gràcias a l'escaduda deu son jornau, que quitè la favela dab los sons mainatges e que publiquè autes obratges. Aquesths que's vengón mensh e qu'acabè los sons dias dens lo praubèr en 1977.
Òbra
Quarto de Despejo (1960) Casa de Alvenaria (1961) Pedaços de Fome (1963) Provérbios (1963)
Diário de Bitita (1977), publicat a títol postume Um Brasil para Brasileiros (1982), publicat a títol postume Meu Estranho Diário (1996), publicat a títol postume Antologia Pessoal (1996), publicat a títol postume Onde Estaes Felicidade (2014), publicat a títol postume Meu sonho é escrever – Contos inéditos e outros escritos (2018), publicat a títol postume
Referencis Categoria:Escrivan brasilièr