Introduccion 277x277px|vinheta| Creacion visuala : @camp.liure Carrièras occitanas es un moviment collectiu e viu per la lenga occitana, compausat majoritàriament de joens occitans que se vòlon bolegar ende hèr véser e víver la lenga. Una còla de sheis personas es a l’origina de las Carrièras occitanas. Un trentenat de personas s’amassèron a Sant-Africa, en Avairon, a l’estiu de 2024. Lor tòca es d’organizar eveniments d’afirmacion collectiva. L’idèa generau èra de hèr quauquarren dins l’esperit de las manifestacions Anèm Òc, que s’organizèron de 2005 a 2015. Maugrat lo long silenci d'aquestas darrèras annadas, l’enveja e la necessitat d’organizar eveniments, dambe passacarrèras, per visibilisar la lenga e la cultura occitanas, demòran.
Lo manifèste 359x359px|vinheta|Aficha de l'acte 1 de las Carrièras occitanas a Vilafranca de Roergue. Creacion visuala : @camp.liure Suu site de las Carrièras occitanas, que's pòt retrobar lo manifèste :
«Desempuish 2015, e la darrèra manifestacion Anem òc, n’avem pas avut lo parat d’amuishar per carrèra la volontat populara d’accès a la lenga occitana. Totun l’enveja e la necesitat qu’i demòran. 292x292px|vinheta|Reconstruccion de l'ostau de Joan Petit a Vilafranca de Roergue. De las Valadas Occitanas cap a la Mar Grana, amassem-nos ! Balham ua impulsion a un moviment qui sostien l’idèa qu’avem besonh de diversitat culturala com de diversitat ecologica o umana. Defendem ua lenga tà tots, qui nos permet d’evoluar amassa en ua societat ubèrta, conscienta deu son enviroament com de la soa istòria. Mei un pòble e pòrta collectivament la soa cultura, mei sia capable de s’organizar, de crear, d’arcuélher e de partatjar.
Mainats, que cantavam tots la soa cançon. Los 25 e 26 d’octobre, que’u tornarem l’ostau. Com tà materializar lo noste patrimòni immateriau, vam tornar bastir l’ostau deu Joan Petit, a l’endret on estè rasat au sègle XVII per castig de la susmauta deus crocants.
Manifestacion, disutidas, cantèras, concerts, vilatjòts deus différents país occitans, passacarrèra …
Los 25 e 26 d’octobre de 2025, cridam a ua dimenjada hestiva de manifestacion e d’accion tà la lenga occitana !https://web.archive.org/web/20260118064343/https://www.carrieras-occitanas.eu/lo-manifeste/»
Acte 1 a Vilafranca de Roergue 292x292px|vinheta|Debuta deu passacarrèra dins Vilafranca de Roergue. Lo prumèr acte de las Carrièras occitanas se hascoc los 25 e 26 d’octobre de 2025 a Vilafranca de Roergue. Un milierat de personas s'amassèron ende celebrar la lenga occitana, sus las tèrras de Joan Petit. I avoc un beròi programa tot lo long de la dimenjada. Lo dissabte 25 d'octobre a 10 oras s’organizèc un talhièr de lenga e de cant. A 11:30, ua passejada dins la vila estoc prepausada per descobrir l’istòria deus crocants e lor revòlta de 1643. A 14 oras comencèc la manifestacion per la reconeishença de la lenga occitana e la defensa de culturas popularas dambe la reconstruccion de l'ostau de Joan Petit. En fin de jornada, i avoc un bal dambe La Talvera, Cocanha e un concèrt de CxK devath la hala de Vilafranca de Roergue. Puish, lo dimenge 26 d'octobre comencèc dambe ua conférencia sus lo colonialisme interior de Magdalene Mairehttps://www.youtube.com/watch?v=STlwqz9Lbx4&t=1s e ua lectura de contes d’Andriu Lagarda per Alain Vidal. A 11 oras 30, un escambi sus lo sens e la plaça de l’occitan dens las coralas estoc prepausat. Après lo repaish, se tengoc l’amassada generau de las Carrièras occitanas. Per accabar la dimenjada, i avoc un concèrt/bal amb Laurent Cavalié e Platanehttps://web.archive.org/web/20260120032319/https://www.carrieras-occitanas.eu/lo-programa/.
La seguida 327x327px|vinheta|Pendent lo passacarrèra deu Carnaval Biarnés de Pau. La còla de Carrièras occitanas s’amassèc au mes de genièr de 2026 a Tolosa per pensar la seguida del movement. Decidiguèron que l’acte 2 se debanarà en 2026. Tanben, las Carrièras occitanas estón presentas au Carnaval Biarnés de Pau en hèurer 2026. Pendent lo passacarrèra, los avem vist revirar los noms de las carrèras de la vila de Pau en occitan. 324x324px|vinheta|Carronha revira ua carrèra de Pau pendant lo passacarrèra deu Carvaval Biarnés.
Ligams extèrnes
Site oficiau : https://www.carrieras-occitanas.eu/ Articles deu Jornalet : https://www.jornalet.com/facebook/23786/carrieras-occitanas https://www.jornalet.com/nova/23856/apres-la-mobilizacion-de-la-vila-lo-movement-lanca-una-amassada-generala-e-prepara-de-nove https://www.jornalet.com/galaria/301/carrieras-occitanas-vilafranca-de-roergue-25-e-26-doctobre-de-2025 https://www.jornalet.com/opinion/23784/carrieras-occitanas-2025-lo-tresen-temps-de-la-reivindicacion-occitana Entervista per Radio Occitania : https://www.podcastics.com/podcast/episode/entrevista-demilia-per-parlar-de-leveniment-carrieras-occitanas-oc-389205/ Article d'Aquò d'Aquí : https://www.aquodaqui.info/Carrieras-occitanas-vou-espelir-un-movament-per-l-occitan-e-sa-societat_a2633.html Emission FranceBleu : https://www.francebleu.fr/emissions/meitat-chen-meitat-porc/la-grande-mobilisation-occitane-des-25-et-26-octobre-2025-a-villefranche-de-rouergue-3974272
Referéncias
esquèrra|@carrierasoccitanas x @camp.liure|sens_quadre