Introduccion Arredalh qu’ei un grop de musica originari de Comenge, creat en 2012 per Wilfried ABO e Matèu BARES. Qu’an produsit dus albums. Las loas cançons, coma per exemple “Pais de goelhèr”, que son sovent interpretadas en seradas, cantèras e bals tradicionaus dera region. Que cantan en gascon comengés.
vinheta|Duò esquèrra|vinheta|285x285px|Eth duò d'amics a Guaus de Luishon
Istuèra Arredalh, qu’ei eth encontre de dus amics apassionats de musica e de lenga occitana.
Wilfried ABO (pompièr) frequenta despuish pichòt era fanfara luishonesa, eths Hilhs de Luishon, B.bop. Que descobreish navèths instruments tradicionaus dens d'autas regions e se perfecciona aus conservatòris.
Matèu (arregent en escòlas bilingüas francés-occitan), de Guaus de Luishon, qu’apren eth acordeon, d’aurelha, joen, au costat de Miquèu Maffrand e Joan-Marc Apiou. Que hè dançar pendent quauques annadas eths Hilhs de Luishon. Qu’anima tanben nombrosas aubadas entà hèstas de vilatge deras vaths deth Luishonés.
Eth encontre En 2011, Matèu, qu’animava era hèsta deras costetas ath ospici de França. Wilfried tornava d’ua passejada dab era soa cornamusa, e tomba per escàs sus era hèsta. Eths dus que se son rapidament avienuts e qu’an hèit dançar e cantar eras gents tota era vrespada.
Arredalh que naish d’aquera aliança.
En 2012, Arredalh que se produseish peu eth purmèr còp au temps deth brandon de Oô. Eths dus amics que començan a compausar, a escríver e a repréner cançons tradicionalas, e tanben a ne collectar auprèp deus ancians. Que començan a hèr quauques concèrts, qu’animan de nombrosas hèstas e tanben que hèn dançar eth monde a’ra fin deths repaishs o de concèrts. Que son l’encausa dera relança de nombrós bals tradicionaus en mei o mensh ua vintena de vilatges, qui avèvan pas hèit perdurar era hèsta.
En 2017, eth duò que presenta eth purmèr album CD, Un pais de goelhèr ; dab eras purmèras composicions, qui parlan dera loa vath e deras lors originas de goelhèrs.
En 2022, eth dusau album CD, Comengés qu’ei sortit. Qu’evoca eras lors familhas, e vitas en eth pichòt país de Comenge.
Puish, mercés a aqueth dusau album, e a ua colaboracion dab Éric Fourcadet, eth grop que s’agrandeish. Pèire Albero (batedor), Julien Denard (bassista) e Éric Fourcadet (guitarrista e clavèr).
Eths membres (+ instruments) vinheta|esquèrra|vinheta|Instruments deth grop en era bòrdavinheta|Membres d'ArredalhArredalh (quintet)
Matèu BARES: votz, acordeon diatonic, boha, bodega, guitarra acostica.
Wilfried ABO: votz, flaütas, tamborin a còrdas, aboès, boha, bot, guitarra acostica.
Depuish 2023:
Julien DENARD: Baisha, vriulon, cornamusas, aboès.
Pierre ALBERO: Bateria e percussions
Eric FOURCADET: Guitarra acostica, electrica e classica, mandolina, clavèr, ukulele.
Discografia
Un país de goelhèr (Deceme 2017)
''Comengés'' (Octobre 2022)
Videografia Clip: “Comengés” (disponible sus YouTube)
Clip: "Non cambiaram pas eth mо́n" (disponible sus YouTube)
Ligams extèrnes Cadena YouTube Arredalh
Pagina web Arredalh
Agendatrad
OccitanieMusicbox
La Dépêche (article)
Hèsta Gascona
Categoria:Grop de musica occitan Categoria:Grop de musica gascon Categoria:Grops e cantaires d'Occitània Categoria:Cantaire occitan Categoria:Grop de musica dels ans 2010 Categoria:Grop de musica dels ans 2020 Categoria:Personalitat gascona