La màkina (espanhòu mákina ; francés : makina ; occitan : maquina) es un estili musical sosgenre de tècno urbana aparegut jos aquel nom de caps 1995 en Catalonha (Valença, Barcelona, puèi al Barcarès). En efièch, la terranha propícia a la naissença de la màkina es estada al mièg de las annadas 1980 la scèna electronica de las discotècas de la region Valenciana dicha Ruta Destroy, la musica qu'i èra difusada batejada èla a l'epòca bakalaoLa conception graphique de la « Ruta del Bakalao » revient à l’IVAM https://www.visitvalencia.com/fr/agenda-valencia/la-conception-graphique-de-la-ruta-del-bakalao-revient-livam. Demest las discotècas catalanas avent a partir de 1995 popularizat la màkina, se pòt citar per exemple lo Pont Aeri, Chasis, o encara Xque.
La particularitat d'aqueste estili de tècno es sa radicalitat (hardcore), ambe una influéncia electro urbana annadas 1980 tangibla (EBM), e sustot un ritme fòrça rapid, en mejana 150 a 190 bpm, mai rapid quitament que la trance contemporanèa (125 a 160 bpm).
La màkina s'es popularizada fòra Catalonha pendent la fin de las annadas 1990, primièr en Espanha sancèra, puèi capvath Occitània, per exemple dins las discotècas lo Nouba Roll's (situada a L'Escot, entre Castras e Revèl), al Jame's (a La Magdalena de Tarn, al nòrd de Tolosa), e de segur a L'Aposia a Tolosa. En seguida, la màkina s'es espandida en França e en Anglatèrra, quitament fins al Japon.
L'estili es passat un pauc de mòda dempuèi las annadas 2005-2006.
Qualques artistas emblematics de la màkina Pastis y Buenri DJ Fou Ruboy Gerard Requena Skudero Xavi Metralla
Referéncias
Categoria:Genre de musica electronica Categoria:Genre musical