Pepin (en abril de 773 – 8 de julhet de 810), filh de Carlesmanhe, foguèt rei d’Itàlia (781-810) jos l’autoritat del paire.

Foguèt lo tresen filh de Carlesmanhe e segond dels qu’agèt amb la siá molhèr Hildegarda. A la naissença recebèt lo nom de Carloman, mas après de la traïson de son fraire, Pepin lo Gibós, li donèron lo nom reial de Pepin. Mas segon Charles Cawley, i a pas de sorsa identificada pel nom Carloman. Charles Cawley. “CARLOMAN Pepin, son of CHARLES I King of the Franks”, "Italy: kings to 962", Medieval Lands, en linha. Foguèt proclamat rei d’Itàlia après la conquista del reialme lombard per son paire. En 781 lo coronèt lo papa Adrian lo primièr amb la corona de fèrre de Lombardia.

Foguèt un governant actiu que trabalhèt per l’expansion de l’Empèri franc. En 791, menèt una armada lombarda cap a la Val de Drava e va saquejar Pannònia, mentre son paire seguissiá Danubi cap al territòri dels avars. Carlesmanhe li calguèt abandonar l’entrepresa per anar combatre la revòlta saxona de 792. Pepin e lo duc Eric de Friol contunhèron e prenguèron dos còps l’anèl grand dels avars.

En 810, capitèt pas a prene Venècia, vila jol domeni de l’empèri roman d'Orient (al mens nominalament), malgrat un sètge de sièis meses que son armada patiguèt fòrça de las malautiás de las paluns vesinas. Moriguèt qualques meses mai tard.“Annales Sancti Emmerammi Ratisponensis maiores”, Monumenta Germaniae Historica. Scriptorum, tomus I., Hannoverae: Impensis Bibliopolii Aulici Hahniani, MDCCCXXVI, p. 93.

S’èra maridat amb Berta, filha, benlèu, del comte Guilhèm de Gelona. Aguèron cinc filhas: Adelaida, que se maridèt amb Lambèrt de Nantas, Atala, Gundrada, Berta e Tetrada. Totas elas nasquèron entre 800 e la mòrt de Pepin. Aguèt de mai un filh illegitim, Bernat. Al partatge de 806, Pepin aviá recebut, en mai d’Itàlia, Bavària e de part d’Alemania e de Carintia. Mas Pepin se moriguèt abans Carlesmanhe. La corona d’Itàlia passèt a lo sieu filh Bernat, mas la dignitat imperiala foguèt pel sieu fraire Loís lo Pietós.

Referéncias

Categoria:Decès al sègle IX Categoria:Naissença al sègle VIII