thumb|right|Missil Minuteman III en 1989.
Lo MinutemanSon còdi tecnic es LGM-30. Lo nom « minuteman » es inspirat per lo nom donat ai milicians que compausavan l'armada estatsunidenca durant la Guèrra d'Independéncia. es un missil balistic intercontinau estatsunidenc que pòu èsser dotat de plusors ogivas nuclearas. Unic vector terrèstre de l'arsenau nuclear estatsunidenc dempuei 2005, complèta lei missils Trident II embarcats dins de sosmarins e lei bombas nuclearas transportadas per de bombardiers estrategics.
La premiera version intrèt en servici en 1962. A l'origina, èra destinat a l'ataca dei vilas sovieticas, mai lo missil Polaris tirat a partir dei sosmarins de l'US Navy mostrèt rapidament dei capacitats superioras dins aqueu domeni. Lo Minuteman foguèt alora modificat e regularament modernizat per li permetre de destruire lei mejans ofensius advèrs. Aquò menèt a l'intrada en servici dau Minuteman II en 1965 e dau Minuteman III en 1970. En parallèl, leis ogivas nuclearas embarcadas per lei missils foguèron tanben melhoradas. Uei, lei versions pus modèrnas dau missil an una portada de km e una precision de 200 m.
550 exemplaris de Minuteman foguèron produchs per Boeing. Dins lo corrent deis ans 1970, embarcavan aperaquí un milier d'ogivas, mai aqueu nombre foguèt pauc a cha pauc reduch après la fin de la Guèrra Freja. De recèrcas son en cors per desvolopar un missil de remplaçament, mai l'US Air Force estima que de Minuteman III podrián demorar en servici fins a 2050.
Liames intèrnes
Arma nucleara. Missil balistic.
Bibliografia
Nòtas e referéncias