Hastings en anglés e segon Bénédicte Boyrie-Fénié, Hastingas o Hastingues en occitan [has'tiŋɣəs] Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 111-112 (Hastinga en basco, Hastingues en francés) qu'ei ua comuna gascona situada dens lo departament de las Lanas e la region de Navèra Aquitània, ancianament d'Aquitània.

Bastida petita, que John Hastings e fondè en 1289.

Geografia La vila hauta, installada suber un promontòri, que domina la plana deu País d'Òrta, traversat peu Gave de Pau, dens los confinhs de las Lanas e deus Pirenèus Atlantics. Duas bartas (pradas baishas, planas alluviaus recobèrtas per las aigas en periòde de creguda) que bordejan lo sit. vignette|upright=1.8|centre|Comunas a l'entorn.

Toponimia Las fòrmas ancianas que son : Hastyngges en 1370, Fastingues en 1461, Hastingues en 1638 (mapa), Hastingues en 1651 (mapa), Hastingues au començament deu sègle XVIII (mapa), Hastingue en 1714 (mapa), Hastingue en 1733 (mapa). La prononciacion qu'ei [has'tiŋɣəs] . Pr'amor de sa fondacion (véder Istòria), lo nom de la bastida que deriva deu nom deu senescau John Hastings (e non pas dirèctament de la vila anglesa, com Dauzat se pensava Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 344). Totas las fòrmas ancianas que marcan la preséncia d'ua vocala de sosten qui permet l'adaptacion deu nom anglés a la fonetica gascona. Aquera vocala que pausa un problèma de grafia perqué lo gascon occidentau neutraliza l'oposicion enter -a e -e pòsttonic. Aquò qu'empacha pas Bénédicte Boyrie-Fénié de preconizar la grafia totaument inadaptada Hastings, pr'amor de l'origina anglesa , benlhèu per aver pas a decidir enter Hastingas e Hastingues (con·herir benlhèu dab Liborna < Roger de Leyburn). Hastingues qu'a l'avantatge de la simplicitat.

Istòria Hastings que deu la soa fondacion au pariatge passat enter Edoard Ièr d'Anglatèrra (Plantagenèst) e duc d'Aquitània, e los monges de l'abadia d'Artós.

Aqueth tractat, signat au nom d'Edoard peu senescau de Gasconha John Hastings que prevedèva la fondacion d'ua bastida. D'aquera epòca, lo sit a servat lo son plan generau, las soas hortificacions, la soa pòrta inscrita dens ua tor grana rectangulara que da accès a la carrèra principau, bordada per ostaus grans hèra caracteristics.

Administracion

Demografia

Lòcs e monuments

Personalitats ligadas dab la comuna

Véder tanben Comunas de las Lanas Ligams extèrnes

Nòtas

Categoria:Comuna de las Lanas Categoria:Lanas Categoria:Comuna de Gasconha]