300px|thumb|right|Exemple d'esqueleta moleculara d'un esteroïde.
Los esteroïdes son derivats del nuclèu de ciclopentanoperidrofenantren e se compausan en mai de carbòni, idrogèn, oxigèn e azòt, se compausan tanben de 4 anèls fusionats de carbòni que possedisson divèrs grops foncionals e qu'an de parts idrofilas e idrofòbas. En çò dels mamifèrs coma l'èsser uman, complisson d'importantas foncions: Regulairitz: qualques uns regulan los nivèls de sal e la secrecion de bila Estructurala: lo colesteròl es un esteroïde que forma l'estructura de las membranas de las cellulas amassa amb los fosfolipids. En mai, a partir del colesteròl se sintetizan los autres esteroïdes. Ormonal: las ormonas esteroïdas son: los corticoïdes: glucocorticoïdes e mineralocorticoïdes. Existisson de multiples medicaments amb activitat corticoïda, coma la prednisona. las ormonas sexualas masculinas: son los androgèns coma la testosterona e los sieus derivats, los anabolizants androgenics esteroïdes; aquestes darrièrs son apelats simplament esteroïdes. las ormonas sexualas femeninas. la vitamina D e los sieus derivats.
Las ormonas esteroïdas an en comun que: Se sintetizan a partir del colesteròl. Son d'ormonas lipofilas que travèrsan liurament la membrana plasmica, se jonhon a un receptor nuclear, e aqueste complèxe receptor-ormona a son luòc d'accion sus l'ADN del nuclèu cellular, en activant de gèns o modulant la transcripcion genetica. 750px|thumb|center|Esteroïdogenèsi
Categoria:Bioquimia *