right|140px L' Alsassia (Alsace an fransèis; Elsass an dialet alsassian e an tedesch) a l'é na region ëstòrica dla Fransa oriental e a l'é stàita na Region ëd Fransa fin al 2016, ann dël qual a l'é stàita unìa a le region ëd la Champagne-Ardënne e dla Loren-a për formé la neuva region dël Grand Est.
A l'avìa na surfassa d'8.280 km2, ch'a na fasìa la Region fransèisa pì cita. A contava anviron 1.817.000 abitant.
La capital a l'era Strasborgh.
L'Alsassia a l'era partagià an doi dipartiment: 67 : Bass Ren 68 : Àut Ren
Geografìa right|200px L'Alsassia as treuva al nòrd-est ëd la Fransa. A confinava a con le region ëd la Franca Contà e dla Loren-a a òvest, con la Gërmania a est e con la Svìssera a sud.
Lenga La lenga ufissial a l'é mach ël fransèis. La Fransa a arconòss pa gnun-a lenga ò dialet regionaj ch'a sio. A l'é dovrà, bele che sempe men, l' alsassian, ch'a l'é un dialet alemànich. Ant ël nòrd e al nòrd-òvest as parlo ancor ëd dialet francon, sempre dla famija germànica. Al sènter-òvest pòche përson-e a dòvro ancor ël Welche, un dialet d'Oil davzin al fransèis, donca romanz.
Anliure esterne Sit istitussional
Categorìa:Grand Est