A la mòda dij montagnon a l'é na canson popolar piemontèisa ch'a parla dël mariage d'un giovo 'd montagna. As treuva 'dcò 'nt ël lìber Canti popolari del Piemonte 'd Costantino Nigra sota al tìtol Le nozze dell'alpigiano. Test Un bel giovo 'd montagna vorìa pijé mojé. (bis) L'ha piàit na montagnina ‘n pò larga al fond dla schin-a e con doi bej scarpon a la mòda dij montagnon.
S'a l'é rivà des ore, l'ora d'andé a sposé. (bis) Na vesta ‘d seda rossa caplin con la cocarda faodal a rigodon a la mòda dij montagnon.
S'a l'é rivà mesdì, l'ora d'andé a mangé. (bis) Patate, ris e rave, mangiavo come crave a fasìo dij bej bocon a la mòda dij montagnon.
S'a l'é rivà tre ore, l'ora d'andé a balé. (bis) Su e giù për cole rive balavo al son dle pive a fasìo dij bei saoton a la mòda dij montagnon.
S'a l'é rivà ses ore, l'ora d'andé a sinè. (bis) Ant un canton dla stala cich ciach sota la crava: a fasìo dij bej supon a la mòda dij montagnon.
S'a l'é rivà des ore, l'ora d'andé a cogé. (bis) Daré dla vaca giaja butavo na brassa 'd paja a fasìo dij bej sognon a la mòda dij montagnon.
Categorìa: Canson popolar piemontèisa