Compositor. Henri Pousseur a l'era nà a Malmedy ai 23 ëd giugn dël 1929 e a l'é mòrt a Brussel ai 6 ëd mars dël 2009.
La formassion Dal 1947 al 1953 a l'ha studià ai conservatori ëd Liegi e ëd Brussel. Dël 1951 a rancontra Pierre Boulez e a dventa un dj'arpresentant pì radicaj dël serialism. As passion-a dzortut a Anton Webern, dont a còpia a man le partission, che antlora a l'era malfé trové.
Sò anfluss Pousseur a l'ha avù na part amportanta ant ël dësvlup ëd la mùsica eletro-acùstica an Euròpa. An Rimes, dël 1958, a mës-cia ël mojen eletrònich e ij son ëstrumentaj. La riputassion d'Henri Pousseur a dev tant ai sò scrit teòrich e estétich.
La maladìa e la mòrt Doi agn prima ëd meuire a l'era stàit operà d'un càncher benign a la pròstata, e a l'avìa patì n'iperacusìa ch'a-j fasìa soporté scasi nen ij son. Motobin andebolì, a l'é pijà arpijasse da na broncopolmonìa, ch'a l'ha mnalo a la mòrt ai 6 ëd mars dël 2009.
Euvre prinsipaj Mùsica Rimes (1958) Votre Faust (1969, concepì ansema a lë scritor Michel Butor) Les éphémérides d'Icare 2 (1970)
Scrit Musique, sémantique, société (studi, 1972)
Pousseur, Henri