Biografìa Federico Garelli a l'era nassù al Mondvì dël 1827 e a l'é mòrt a Roma dël 1885 .
Finìe le scòle a l'era scrivusse a Turin a jë studi ëd meisin-a. Dapress a lòn a l'era vnuit ator e diretor ëd l'Academia d'art dramàtica. Dël 1848 a l'era stenògraf a la Camera Subalpin-a.
A l'ha publicà an sël Fischietto e d'àutri giornaj pròse, poesìe, nòte umorìstiche, sàtire, facessie, ma sò anteresse prinsipal a l'é stàit ël teatro.
Euvre A l'é stàit autor ëd tante euvre teatraj an piemontèis: Cichin-a 'd Moncalé, version piemontèisa dla Francesca da Rimini ëd Silvio Pellico, tradovùa ansema a Tommaso Villa e Giovanni Toselli. L'euvra a l'era stàita antërpretà da Adelaide Tessero (1857) Margritin dle violëtte (1857) Guera o pas (1857) La partensa dij contingent per l'armada (1859) La caban-a dël Re Galantòm (1861) La gabia dël merlo (1862) Ël cioché dël vilage (1863) La lena dël Rociamlon, un vaudeville (1864) La felicità 'd monsù Guma (1865) La vos dl'onor (1867) La protession ëd sor Baron (1868) Delfina l'ouvriera (1869) Chi romp a paga (1871) Daniel ël machinista
Arferiment bibliogràfich për chi a veul fé dj'arserche pì ancreuse Gianrenzo P. Clivio - Profilo di storia della letteratura in piemontese
Garelli, Federico Garelli, Federico Garelli, Federico