Stellaria media Pianta anual, longa fin a 80 cm, a cor per tèra, soens a buta rèis a l'autëssa dij non. Le fior, cite, bianche, a son an sla ponta dle rame. A chërs dzortut ant ij mèis invernaj.
Ambient A chërs daspërtut, anfestant, fin a 1600 méter.
Proprietà As pensa ch'a l'abia dle proprietà astringente e diurétiche.
Cusin-a Le ponte as deuvro ant le salade e, ëdcò cheujte, as manten-o crocante.
Notissie Ël Balbis (1800, ai sò temp la denominassion sientìfica a l'era Alsine media) ant soa grafìa a arpòrta 'l nòm "pavaronia". Ël Capello a l'ha puvrogna, puvronia. Lë Zalli a l'ha povrogna, poriona.
Arferiment bibliogràfich për chi a veul fé dj'arserche pì ancreuse Stellaria media (L.) Vill.
Categorìa:Erbe an cusin-a Categorìa:Stellaria