thumb|right thumb|right|Na nià
Anthus pratensis Descrission L'Anthus pratensis (vainëtta dij pra) a l'é n'osel passeriform ëd la famija dij Motacillidae, longh 14,5-15 cm e dël pèis ëd 15-22 g . La part superior a l'é brun olivastr con dë strìe nèire, che a ven-o meno an sla gropera . La part inferior a l'é bianca o giàunastra, con ël pét e ij fianch strià 'd nèir . A l'ha na linia ciàira dzora a l'euj (dzorsign), na strija scura sota la ciafela, e doe barëtte bianche an sj'ale . La coa a l'é brun-a con le bande bianche, motobin visìbij an vòl . Le piòte a son reusa giaunastre, con l'artij dël dil daré motobin longh . As diferenzia da la vainëtta dij bòsch (Anthus trivialis) për la striadura pì marcà e për ël cant .
Ambient A viv ant ij teren duvert e ùmid: pra, pasture, torbiere, brughiere e dun-e . A nidìfica ant le region setentrionaj e an montagna, an sla tèra stërmà ant l'erba àuta . A mangia dzortut inset e d'àutri cit invertebrà . A l'é gregari d'invern, e a forma dë strop, soens ansema a d'àutre vainëtte e lòdole .
Distribussion A nidìfica ant l'Euròpa setentrional e ossidental, da l'Islanda e la Scandinavia fin a la Fransa e la Romanìa, e ant ël Càucaso . A passa l'invern ant l'Euròpa meridional, ant l'Àfrica dël Nòrd e ant l'Asia sud-ossidental . An Italia a l'é 'n migrant e invernant comun, dzortut ant la Pian-a Padan-a e ant le zòne ùmide . A l'é an declin an vàire part d'Euròpa e a l'é classificà Near Threatened (NT) da l'IUCN .
Arferiment bibliogràfich për chi a veul fé dj'arserche pì ancreuse
Anthus pratensis L., 1758
Categorìa:Anthus