Pitor. Jack Levine a l'era nà ai 3 ëd gené 1915 an na bariera ëd Boston. A l'era ël pì cit d'eut masnà an na famija d'emigrant ebreo lituan. Scolé, a dëscoata l'art al musé dla sità; as anandia a la pitura e a l'é notà da 'n colessionista.
Dal 1929 al 1933 a l'é a Harvard e ant ël 1936 a l'é un dij tanti artista giutà da le comande ëd la Works Progress Administration. Dël 1959 soa presensa a na mostra an sla coltura merican-a a Mosca a fa s-ciopé na polémica e Levine as treuva bolà coma cripto-comunista. Cost aveniment a contribuiss a fé 'd chiel na selebrità, ël pitor contra-corent për ecelensa.
Jack Levine a l'é mòrt a j'8 ëd novèmber 2010.
Euvre prinsipaj La festa dla rason pura (1937) N'ufissial ëd polissìa, un capitalista e n'òm polìtich as complimento l'un l'àutr ëd fasson sìnica, con ël drapò merican daré 'd lor. Bin ëvnù a ca (1946) A denonsia la complissità dj'ambient dj'afé e dij generaj. La tèila a l'ha fàit ëscàndol. La neuit ëd j'elession (1954) La përzon ëspagneula (1959-1962) N'alusion al franchism. Panethnikon (1978) A descriv na ciambrea dël consèj ëd sicurëssa ëd l'Organisassion dle Nassion Unìe tanme na bisabòsa d'anrabià, dont Leonid Brejnev e Idi Amin Dada. Sepoltura d'un bandì Birmingham 63 A mostra dij can polissiòt mandà contra dij négher.
Jack Levine a l'ha ëdcò consacrà dj'euvre al Vej Testament.
Levine, Jack