Gallinago media Descrission Ël Gallinago media (bëcassin) a l'é n'osel limìcol ëd la famija dij Scolopacidae, parent ëd la Gallinago gallinago (bëcassin ordinari) . A l'é legerment pì gròss e pì robust, longh 26-30 cm, con n'aliura ëd 42-50 cm e un pèis ëd 140-260 g. La part superior a l'é macià 'd brun, nèir e crema . La part inferior a l'é bianca con ël pét e ij fianch strià. J'ale a l'han dle bande bianche e a son pì larghe che ant ël bëccassin comun . La coa a l'ha motobin ëd bianch . Ël bech a l'é pì curt. A l'é na specie silensiosa. Sò crij, quand a leva, a l'é un raucc "èch" . Ij mas-cc a son vajant durant la parada nussial, con ëd son caraterìstich ch'a smijo a cit ciadel o a na ròda ch'as dëscadagna . A l'é famos për soe migrassion longhe e s-cëtte, fin a 6.760 km sensa fërmesse e a quote àute (fin a 8.700 m) .
Ambient A nidìfìca ant ij pra e le palud ùmide con vegetassion curta, ant l'Euròpa nòrd-oriental e la Russia. Durant le migrassion, as treuva 'dcò ant le zòne pì sùite. D'invern a va an Àfrica . A mangia dzortut inset e verm .
Distribussion A nidìfica dzortut an Russia, Bielorussia, Norvegia e Svessia . A passa l'invern ant l'Àfrica (da la Mauritania al Mozambich) . An Italia a l'é 'n migrant regolar, dzortut ant le zòne ùmide . A l'é classificà Near Threatened (NT) da l'IUCN .
Arferiment bibliogràfich për chi a veul fé dj'arserche pì ancreuse
Gallinago media Latham, 1787
Categorìa:Gallinago Categorìa:Tinivlòt