right|thumb|300px|Posission dlë Stat
Lë Utah a l'é në stat federal djë Stat Unì, situà ant la region ëd le Montagne Rocose. A l'ha na surfassa ëd 219.887 km² e na popolassion d'apopré 3,5 milion d'abitant (2024).
As treuva ant la macroregion ciamà comunement West. A confin-a a nòrd con Idaho e Wyoming, a òvest col Nevada, a sud con l'Arison-a, a est col Colorado e a toca 'n canton dël Neuv Méssich al sud-est.
La capital a l'é Salt Lake City (anviron 200.000 abitant ), ch'a l'é cò la sità pì popolà dlë stat. L'àutra sità con pì 'd 100.000 abitant a l'é West Valley City.
Stòria Prima che j'europengh a rivèisso, l'Utah a l'era abità da vàire popolassion indìgene, com j'antich Puebloan, ij Navajo e ij Ute. Ij prim europengh a son rivà a mità dël sécol ch'a fa XVI (jë Spagneuj). Dël 1847, ij mormon (mèmber ëd la Cesa ëd Gesù Crist dij Sant dj'ùltim Di) a son rivà ant la region për scapé da le persecussion e a l'han fondà Salt Lake City. Lë Utah a l'ha podù dventé në stat ëd l'Union mach arnonsiand, almanch ant la forma, a la poligamìa (pràtica ch'a l'avìa pijà an tra ij mormon). A l'é stàit amëttù ant l'Union dël 4 ëd gené dël 1896 tanme 45° stat.
center|thumb|200px|Drapò dlë Statcenter|thumb|180px|Ansëgna dlë Stat
Organisassion polìtica Lë Utah a contribuiss con 5 grand eletor a j'elession pressidensiaj dl'Union.