thumb|N'afresch dël pitor Giancarlo Aliberti (o Giovanni Carlo Aliberti, nassù a Canèj ël 13 ëd fëvré dël 1670, mòrt a Ast ël 2 ëd fëvré dël 1727) a l'é stàit un pitor piemontèis dël sécol ch'a fa XVII e XVIII, ativ dzortut ant l'Astesan e an Piemont.
Biografìa A l'ha fàit ij sò prim pass ant la botega dël pitor Giovanni Battista Fariano a Ast. A l'inissi dël Setsent a l'é andàit a Roma për perfessioné soa tècnica. Tornà a Ast dël 1708, a l'ha marià la fija dël pitor astesan Giovanni Antonio Laveglia. A l'é stàit un pitor motobin prolìfich, abil ant la prospetiva e ant le decorassion, anfluensà da la scòla dij Caracc (Carracci) e da Carlo Maratta. Sò stil a l'é considerà un precursur dël Rococò piemontèis.
A l'ha avù doi fieuj: Carlo Filippo, architet e scenògraf, e Giuseppe Amedeo, ciamà "Abate Aliberti", ëdcò chiel pitor.
Euvre prinsipaj Canèj (parochial ëd San Tommaso): Mòrt ëd San Giusèp e Imacolà. Ast: pentecòst, epifanìa, San Roch tra j'apestà e San Giòrs (ciamàdcò San Giaco); ant la galarìa cívica ëd Palass Mazzetti as treuvo Tobia e l'àngel, Varision dël paralìtich (provenient da la dësblà cesa ëd Sant'Anastasi) e Sant'Ana tra San Carlo Boromè e Santa Cristina. Coni (cesa ëd Santa Clara): Miracol ëd Santa Clara. Casale Monfrà: (cesa ëd Santa Caterina). La Morra: (cesa ëd San Martin). Cherasch: (cesa ëd Sant'Agostin).
Pì che d'àutr le euvre a son andàite përdùe con le gesie për le quale a j'ero stàite fàite.
Anliure Stòria d'Ast
Aliberti, Giancarlo