Tenda a l'é na comun-a fransèisa ant la region aministrativa dla Provensa-Alp-Còsta Asura, ant ël dipartiment ëd j'Alp Marìtime. As dëstend su na surfassa ëd 177,47 km², con 2 025 abitant, scond ël censiment dël 2006, con na densità d'11 abitant al chilòmeter quàder. A resta a 816 méter d'autëssa.
Stòria La sconda guèra mondial Tenda a l'é stàita liberà ai 5 ëd maj 1945. Dël 1947 a l'é stàita gionzùa a la Fransa.
Leu d'anteresse La colegià ëd Nòstra Sgnora dl'Assonsion Ël Musé dle Maravije
Eveniment e manifestassion Festa ëd Sant Éloi, a j'11 e 12 ëd luj, con defilé dij mulaté e dij sò muj archincà, feu ëd Sant Éloi e animassion ëd coltura popolar. Festa dij bërgé ëd San Ròch e festa paisan-a: fera dij prodot locaj la fin dë sman-a pì davzin-a ai 15 d'ost; rancontr dij produtor dla Roya, dla Bévéra e ëd Piemont con degustassion, laboratòri ëd dimostrassion e ëd fabricassion ëd formagg, preparassion ëd pasta frësca, ëd candèile ëd sira d'avija, ëd distilassion dla lavanda, con antëmes musicaj. La dumìnica, në strop ëd feje a traversa ël pais.
Categorìa:Comun-e dël dipartiment ëd j'Alp Marìtime