Cesa d'Évenos (an fransèis Église Saint-Martin d'Évenos) a l'é na cesa dë stil romànich situà an Fransa, ant ël comun d'Évenos, ant ël Var (region Provensa-Alp-Còsta Asura). A l'é stàita costruìa ant ël sécol ch'a fa XI ansima a na colin-a ëd basalt, an sël post dël vej borgh medieval ciamà Nèbre.
A l'é stàita fabricà an basalt e pera calcarosa. La navà a l'é ùnica e a l'é coatà da na vòlta a crosera e da d'arch dobi ansima a pilastr. La cesa a l'ha un cioché ëd muraja ("clocher mur") con doe fnestre ëd forma a arch. La strutura a l'é rinforsà da gròss contrafort për arziste a la pendensa dla colin-a.
L'edifissi a l'é stàit arcostruì vàire vire ant ij sécoj. A l'é stàita originalment fortificà e a dipendìa da l'abassìa 'd San Vitòrio ëd Marseja. A l'ha ëdcò na cuvertura piata con fonsion difensiva. An sla fassada a l'é presenta 'n bassoriliev ross ch'a figura la carità dël sant San Martin. La cesa a l'é stàita restaurà 'd recent për evité l'arzigh ëd fran-e.
Anliure Évenos Var (dipartiment) Provensa-Alp-Còsta Asura
Evenos