Ada Prospero a l'era nà a Turin, an contrà XX dë stèmber 60, ai 23 ëd luj 1902. Ij sò a j'ero dij comersant bonstasent con un negòssi ëd primissie bin anviarà. La fija a l'ha frequentà ël liceo clàssich Vincenzo Gioberti. Da giovo a l'é fasse armarché për dij bon talent musicaj ma, ëdcò possà da sò moros Piero Gobetti, a l'é peui anscrivusse a la facoltà ëd Litre e filosofìa. A j'11 ëd gené 1923 Ada Prospero e Piero Gobetti as son mariasse. Pì tard la cobia a l'é andàita a sté an n'alògg ëd contrà Fabro 6 e a l'ha avù un fieul, Paolo Ludovico. Dël 1926 la fomna a l'é restà vidoa e a l'ha sërcà ëd seghité l'atività ëd sò òm.
Ada Prospero a l'é peui torna mariasse dël 1937 con Ettore Marchesini. A l'é stàita vice-sìndich ëd Turin apress la Liberassion e a l'é stàita pressidentëssa nassional ëd l'UDI.
A patìa ëd problema ëd cheur e a l'é mòrta a Turin ai 14 ëd mars 1968.
Scrit prinsipaj Cinque bambini e tre mondi (conta fantàstica, Turin, 1952) Non lasciamoli soli (ansagg pedagògich, 1958) Vivere insieme (ansagg pedagògich, Turin, 1960)
Prospero, Ada Prospero, Ada