Pitor. Domenico ëd Tommaso Bigordi, stranomà Domenico Ghirlandaio, a l'era nassù a Firense dël 1449 e a l'é mòrt a Firense dël 1494.
Oréfiss ëd formassion, a l'é stàit anlev d'Alessio Baldovinetti e a l'é stàit anfluensà da Verrocchio e dai pitor flamand. Michelàngel a l'é stàit sò anlev.
Euvre prinsipaj La sepoltura ëd Santa Fin-a (1473-1475, fresch ant la capela ëd santa Fin-a ant la colegià ëd Santa Marìa Assonta ëd San Gimignan) Dnans a na stragròssa nicia d'autar, ël cadàver ëd la giovnòta a l'é smonù. A l'é compagnà da vàire selebrant, abatin e fidej, antramentre che ël vësco a anton-a ël Requiem. An slë sfond, n'àngel a fà soné la ciòca ëd la tor pi àuta. La nàssita ëd Gioann Batista (1485-1490, fresch ant la capela Tornabuoni ëd la cesa ëd Santa Marìa Novela a Firense)
Ghirlandaio, Domenico