Pitor e poeta an lenga piemontèisa. Piero Sansalvadore a l'era nassù a Turin a j'8 d'avril dël 1892, fieul dël vedrié Luigi e d'Anna Ferraris. A l'avìa doi frej, Giusep e Adolf.
A l'avìa fàit la Gran Guèra, lòn ch'a l'avìa anspiraje soa arcòlta ëd poesìe Vôs da la guèra dël 1918. Rintrà, a l'era butasse a fé ël pitor, con në studi an contrà Dòira Gròssa 31, an Turin. A l'ha partissipà a j'esposission ëd la Promotris ant ël 1927, 1928 e 1929.
Dël 1929 a l'ha tramudà a Venessia, peui a l'é andassne a Londra. Durant la sconda guèra mondial a l'ha travajà ai programa dla BBC an lenga italian-a. An Londra a l'avìa në studi a Kensington, an Peel Street. A l'era ciamà ël mèistr dël cit paisage.
Daj 26 ëd maj ai 2 ëd giugn dël 1949 a l'ha partissipà a la mostra Luci e colori del nord al Sìrcol ëd j'Artista ëd Turin; a l'é rintrà an Piemont apress ël 1950. A l'é mòrt ai 27 ëd luj dël 1955.
Sansalvadore a l'era barba dla poetëssa piemontèisa Carlottina Rocco, ch'as disìa a l'èissa amprendù da chiel a scrive ëd poesìe an piemontèis.
Euvre prinsipaj Vôs da la guèra (Turin, 1918).
Sansalvadore, Piero Sansalvadore, Piero Sansalvadore, Piero