Scritris an lenga fransèisa e sinòloga. Lisa Bresner a l'era nassùa ai 29 d'otóber dël 1971 e a l'é mòrta a Nantes ai 28 ëd luj dël 2007. A mostrava la lenga cinèisa a Nantes e a Saint-Nazaire.
Ël tema prinsipal ëd soa produssion literaria bondosa (na tranten-a d'euvre) a l'é la sivilisassion e la coltura cinèisa. Da banda dij sò romanz, a l'ha ëdcò scrivù lìber për la gioventura, studi sinològich e prontà dle tradussion (dont Du vide parfait, publicà ant ël 1999, na version fransèisa dël tratà ëd Lie Zi). Dël 2004 a l'ha realisà un cort metrage, Misako, adatament d'un lìber publicà l'ann prima.
Euvre prinsipaj Le sculpteur de femmes (Gallimard, 1992, sò prim romanz); Ma tendre ennemie (Gallimard, 1994, romanz); La vie chinoise de Marianne Pêche (Gallimard, 1996, romanz); Lao Tseu (Actes Sud, 2000, romanz: a parte d'la vita dël filòsof cinèis a dësvlupa na riflession an sël veuid e ël gnente); Pékin est mon jardin (Actes Sud, 2003, romanz); Mélancolie du pouvoir, chamans, poètes et souverains dans la Chine antique (Albin Michel, 2004).
Bresner, Lisa Bresner, Lisa