Ожынна, Ożenna — село на юговостоку Польщи, в Подкарпатском воеводствѣ. повѣт Ясло, гмина Крампна. Село было до акции Висла лемковске.
Полога Село лежить на самом словацком пограничу в Низкых Бескыдах на лѣвой сторонѣ од воеводской дорогы ч. 992, яка веде з повѣтового центра Ясло до бывшого пограничного переходу Ожынна – Нижня Полянка (46 км). Переход перестав фунговати в конци року 2007, коли Польща и Словакия приступили до Шенгенского укладу. До центра гмины, Крампной, Krempna, одлеглость 17 км, до воеводского центра Ряшов, Rzeszów — 78 км.
Околичны лѣсы суть чатиновы; грунты неродючы, способны про овес; добры паствиска.
Вѣра Село оддавна грекокатолицке, свою деревяну церьков Святого Василия Великого поставили в року 1867. Церьков была филиалков парохии Граб, котра оддалена о 3 км, и до котрой ходили, покля не мали властну церьков.Была реновована в року 1903. По року 1947 згорѣла, року 1953 ликвидована, а церьковны землѣ плохов 9 км2 передали штатному агрогосподарству (PGR). В року 1785 ту были 395 грекокатоликы и 3 еврея. Число вѣрникох грекокатоликох по роках: 1840 – 488, 1859 – 389, 1879 – 395, 1899 – 401, 1926 – 304, 1936 – 334.Прадідівська слава, податкы И. Красовского з Австрийского Кадастру 1787
В сучасности обывателе села суть римокатоликы, а ходять до церькви в Грабѣ.
История Зачаткы Село было закладене на валашском правѣ в 16. сторочу. Даньовый реестер з року 1581 пише, же село мало три газдовства валашскы и едно шолтисово.
Повоенна история Село потерпѣло великы шкоды в часѣ Другой свѣтовой войны, бо было в нѣмецкой оборонной линии. Року 1945 часть обывательох села переселили на восток Украины, а позосталых (72 особы) 29. мая 1947 депортовали в операции «Висла» на понѣмецкы землѣ Польщи,Акція «Вісла». Документи / упор. Євген Місило. — Львів; Нью-Йорк: Наукове товариство ім. Т. Шевченка, 1997. — . — С. 443. на их мѣсто поселили Полякох.
Днешность В сучасности Ожынна — популарна туристична атракция, в рамках котрой мож видѣти вельо историчных памяток. Ту ся одбывають розличны фестивалы и видовиска.Ożenna: artykuły, noviny
Жерела
Референции
Галерия
Катеґорія:Лемківскы села в Польску