Бузёк або тыж чорногуз ці боцан (лат. Ciconia ciconia, анґл. White stork, фр. Cigogne blanche, ісп. Cigüeña blanca) — є може найзнамішый бродивый птах з родины бузьковых (Ciconiidae), родина з чаплями (Ardeidae) і ібісами (Threskiornithidae). Жыє в Европі, середнїй Азії і северозападній Африцї.
Попис Ёго вага колыше міджі 2,3 – 4,4 кґ, середня вага є коло 3,5 кґ, саміцї суть дакус меншы. Бузькы досягують вышкы 95–105 цм, роспятя крыл є 155-165цм. У фарбі переважує біла, кінцї леток суть чорны, дзёбак і довгы ногы суть червены у молодых екземпларів тмавы. На роздїл од чаплї мають чорногузы при лїтяню натягнутый карк. Тіпічным звуковым проявом є силне лусканя (дурканя) дзёбаком.
Способ жывота Бузькы можеме найти на мокрых луках, полях, краёх вод, преферують одкрыту країну, часто ся але находять близко людьского обыстя.
На кінцї лїта бузькы одлїтавають на зимовища в середнїй і южній Африцї. Дакілько мало екземпларів перезимує і в середнїй Европі, наприклад в Чехах є то шторік коло 10 кусів.
Страва Найзнамішым їдлом чорногуза суть жабы, тыж рыбы, плазы, хробакы і гусенїцї, мышы і дале молодята ссавцїв.
Референції
Катеґорія:Бузьковы Катеґорія:Птаство Підкарпатьской Руси Катеґорія:Найменше знепокоївый