Федор Лабош, Fedor Laboš, *24. януар 1902, Дюрдьов, Австро-Мадярщина – †5. новембер 1977, Загреб, СФРЮ — економ, историк, публициста серед Руснакох Войводины, автор многых статей и трьох монографий о войводинскых Руснакох.Paul Robert MagocsiИрина ПапуґаСтаценко Н. С., Цап М. М.
Биография ШтудииПоходив з познатой священицкой фамилии. Основну школу закончив в Коцурѣ, де його отець служив яко священик. До гимназии ходив в Риецѣ и Вельком Бечкереку, а матуровав в Панчевѣ. Штудии продовжив на Економо-комерчной высшой школѣ в Загребу, де достав и докторат з економии в року 1928. В школском року 1926/27 перебывав в Парижу, де слухав выкладаня на познатой École pratique des hautes études (Практична школа высшых изгледовань) и писав докторску роботу. В Парижу на окремом семинарѣ зыскав тыж квалификацию професора французского языка.
РоботаПо закончѣню штудий працовав як економ в Здружѣню млинской индустрии в Београдѣ (1928–40); в департаментѣ цѣн горватской влады (1940–45) и Центрѣ економичного розвою Загреба (1945–68).
Публикации Др Федор Лабош ся уже як гимназиста заинтересовав историографиов и научныма выгледованями. Знав мадярскый, нѣмецкый, латинскый и французскый языкы, и то му помогало зберати информацию в архивах и библиотеках. Уже по одходѣ до пензии (1968) на основѣ позбераных материалох приготовив до печати свое животне дѣло. История Русинох Бачкей, Сриму и Славониї 1745–1918 (Вуковар, 1979) достала позитивну оцѣнку и была выдана два рокы по смерти автора. Окрем той книжкы выдав ещи двѣ: Naš sustav cijena (Наша система цѣнотворѣня, 1943) и Руснаци, доселєнє зоз Горнїци до наших крайох. В роках 1921–1941 выступовав в рочнику Руски календар (Руски Керестур), а в далшых роках в часописѣ Нова думка (Вуковар) зоз статьями на темы истории, културы и газдовства Руснакох на южных землях.
Жерела и одказы
Референции
Катеґорія:Русиньскы історіци Катеґорія:Економы