Садова рудохвостка (Phoenicurus phoenicurus) є малый stěhovaný птах з ряду співаків.
Взгляд Самець мать ясно біле чоло, бокы головы і горло чорны, верьхню часть тїла брылово синяво сиву, спідню часть, гудзіцю і хвіст арджаво червены, хвостовы пірка окрем середушнёго пару арджавы. Саміця є бураста, на спіднїй части арджава.
Довжка тїла: 14 цм (дас як воробель) Роспятя крыл 20-24 цм Вага: 12-19 ґ
Росшырїня і становища В середнїй Европі прилїтавать в першій половинї апріля, одлїтать в септембрі або аж в першій половинї октобра. Росшырена є в світлых листяных або змішаных лїсах, загородах і парках, векшынов в низинах.
Страва Мушкы, котры їмать як летить або їх зберать з листя. Тыж ся жывить павуками а на осїнь бобулями.
Розмножованя Садова рудохвостка гнїздить двараз до рока в дутинах вшыткых видів стромів (любить гнїздити і в одповідаючій будцї - вышка 20 цм, розмір дна 12 x 12 цм, Ø вступуной дїры 32 мм). Гнїздо може быти за даховыма грядами або в закутинах стїн. Складать ся з корінків, моху а сухой травы. Зачаток першого гнїздїня є в маї, другого кінцём юна. Саміця знесе 5-7 єднофаребных синёзеленых яєць з розмірами 18x13 мм, на котрых сидить 13-14 днїв. По вылягнутю родічі молодята кормлять дрібныма хробачками, мушками припадно ларвами. Молодята гнїздо опущають по 12 аж 14 днях. Садовы рудохвосткы бывають частыма гостителями зозуль.
Література Jürgen Nikolai - Detlef Singer, Ptáci, Praha 2005, str. 202, ISBN 80-7209-685-0
Референції
Екстерны одказы
https://web.archive.org/web/20221128185835/http://www.jynx-t.net/ptaci/rehek-zahradni-68260-16646144-0.html
http://www.priroda.cz/clanky.php?detail=81
Катеґорія:Дроздовы Катеґорія:Птаство Підкарпатьской Руси