Апа́ртеї́д (уд „розділеня“) была система інституціоналізованої расової сеґреґації в Южнуй Африці тай Югозападнуй Африці (теперь Намібії) уд 1948. року до зачатку 1990. рокув. Апартеїд ся характеризовав авторитарнов політичнов културов, закладенов на бааскапі (, букв. „шефованя“) — ідеї політичної, соціалної тай економічної домінації у Южнуй Африці єї білої меншины в общому и конкретно афріканерув. У гатарах сиї системы майвысокый статус мали білі громадяне, а за нима індійці, цвітні (; мултирасова етнічна ґрупа у Южнуй Африці) тай чорні африканці — ипен у такому порядку. Апартеїд лишив по собі економічні тай соціалні наслідкы, замітні у вшылякых проявах до днесь.

Нашыроко апартеїд ся ділив на малый апартеїд, котрый обсяговав сеґреґацію громадськых міст и соціалных подій, тай великый апартеїд, котрый строго сеґреґовав бываня и професійні можності подля расы. Першым апартеїдным законом став Акт заказа мішаної жонитьбы у 1949. році, пак за ним была прията Поправка акта за аморалность у 1950. році, котра вчинила нелеґалными жонитьбу тай сексуалні удношіня межи расами. Акт за реґістрацію населеня 1950. року класифіковав ушыткых южноафриканцюв єднов из чотырьох расовых ґруп подля вонкашнього виду, знаного походжіня, соціоекономічного статуса тай културного образа жывота: „чорный“, „білый“, „цвітный“ тай „індієць“, послідні два з котрых мали дакулько пудкласифікацій. Місто на бываня ся узначало расовов катеґорійов. Межи 1960. и 1983. роками 3.5 міліона чорных африканцюв были выселені из хыжув и насилно переміщені у сеґреґовані районы позад апартеїдных законув, што стало єдным из майбульшых масовых выселень у сучаснуй історії. Многі из них мали подля плана быти локалізовані у десять вызначеных „племінных отцюзнин“, знамых ищи як бантустаны (), чотыри з котрых стали номінално независимыми штатами. Уряд уголосив, ож релоковані мали быти позбавлені южноафриканського громадянства позад свого переміщеня у бантустаны.

Апартеїд узвав читавый межинародный и домашньый опур и дав поєдным из майвливовых ґлобалных соціалных кывань 20. стороча. Ун став обєктом частого осуду Орґанізації споєных націй, причинов межинародных санкцій, у тум числі ембарґув на зброю тай економічных санкцій, накладеных на Южну Африку. Пуд конець 1970–1980. рокув уднушньый опур апартеїдови ставав чим май дале, тым май радикалный, што ся перечинило у бруталні придусіня з боку уряду, домінованого Націоналнов партійов ЮАР тай насилство, котроє лишило по собі тысячкы жертв: умершых и арештованых. Комісія правды тай примиреня установила, ож уд політичного насилства умерли 21,000 чоловік: 7,000 смертий у період 1948–1989 тай 14,000 смертий и 22,000 травмованых у переходный період межи 1990. тай 1994. роками. Были провбы реформовати апартеїдну систему, наприклад позволити індійцям и цвітным мати політичну репрезентацію у парламентови, айбо тоты міры не дустали пуддержку бульшины активіштськых ґруп.

Межи 1987. и 1993. роками Націонална партія зачала двасторонні переговоры з Африканськым націоналным конґресом — ведучым противапартеїдным кываньом — про конець сеґреґації тай імплементацію правліня бульшости. У 1990 видні особы Африканського націоналного конґреса, такі ги Нелсон Мандела, были выпущені з тюрьмы. Апартеїдноє законодавство было удкликаноє 17. юнія 1991, тай у апрільови 1994. року пруйшли нерасові убиранкы.

Назывка Термін апартеїд походит из афріканса, де (~апа́ртейт) значит „розділеня“, „стан розділености“. Першоє його зафіксованоє хоснованя ся датує 1929. роком.

Система бантустанув

У гатарах системы „отцюзнин“, уряд пробовав ділити Южну Африку тай Югозападну Африку на окремі штаты, кажджый из котрых мав бы ся пак розвити у окремі нації и державы про разні етнічні ґрупы.

Територіалноє розділеня не было новов концепційов — наприклад пуд британськым правліньом у 19. сторочови позад похожого принципа ся творили „резервації“. Бігом апартеїда 13% землі ся уділяла чорному населеню — друбіцька часть пропорційно до його числа — и часто тото была економічно непродуктивна територія. Комісія Фредеріка Томлінсона, професора аґрокултурної економікы з Університета Преторії, у 1954. році управдововала апартеїд тай систему „отцюзнин“, айбо заявляла, ож на отцюзнины треба уділити бульше землі — тота рекомендація не была реалізована.Evans, Ivan. Bureaucracy and Race: Native Administration in South Africa. Berkeley: U of California, 1997. N. pag. Print.

Кой Гендрік Фервурд став премєрміністром у 1958. році, зачала ся політика „окремого розвою“, и єдным из єї стовпув была структура „отцюзнин“. Фервурд повірив у датя независимости сим „отцюзнинам“, и власть прияла такый план демонстративно ги знак „політикы уряду, котра не є дискримінаційов на основі расы ци цвіта, айбо диференціаційов на основі нації, котра дає кажджому самовызначіня у гатарах свої отцюзнины — удсідь такый план окремого розвою“.Amisi, Baruti, and Simphiwe Nojiyeza. Access to Decent Sanitation in South Africa: The Challenges of Eradicating the Bucket System Baruti Amisi n. pag. Feb. 2008. Web. У рамках такої системы чорні люде бы бульше не были громадянами Южної Африкы, а ставали бы громадянами окремых независлых отцюзнин, и робили бы у ЮАР як міґранты з дочасными дозволами. У 1958. році быв приятый Акт за пуддержку чорного самосправованя; были закладені індустрії на границях тай Корпорації інвестицій банту, обы пудпоровати економічный розвуй и творити робочі міста удну вадь коло отцюзнин. Многі чорні южноафриканці, котрі ниґда не бывали у призначеных їм „отцюзнинах“, были насилу переміщені из варошув у тоты краї.

Візія Южної Африкы, поділеної на дакулько етнодержав, любила ся налаженуй на реформы афріканерськуй інтеліґенції, и давала май цільну філозофську и моралну основу про політику Націоналної партії, а межи тым чинила кустяк інтелектуалного честованя контроверзної політикы, котров быв так званый бааскап.

Наслідкы

Нерувность Поапартеїдна Южна Африка и дале страдає уд соціалної нерувности, вытвореної десятьрочами апартеїда. Білоє кумувство ся лишат читавов перепонов про економічні выгоды тай політичный влив чорных южноафриканцюв. Попри ростучый ГДП, індексы худобы, безробутности, нерувности у доходах, просікової довготы жывота тай володіня земльов падут. У державі не є індустрії, котра бы была на бульш ги 50% у володіньови чорным населеньом, хоть 81.4% южноафриканського населеня чорноє. Конець апартеїдної системы бульшинов не поміняв соціоекономічну стратифікацію подля расы. Хоть малый дараб чорного населеня побировав учинити чорный середньый клас, котрого не было бігом апартеїда, про бульшину чорных людий у Южнуй Африці ситуація з економічным класом ся не поміняла уд падіня апартеїдної системы. Подля Світового банка Южна Африка тото держава з майвысоков економічнов нерувностьов у світі.

Осуд Уд 2019. року публічна демонстрація флаґа 1928–1994. рокув у Южнуй Африці заказана тай класифікує ся як бесіда ненависти. Подакотрі особы, котрі переже пудпоровали апартеїд, публічно попросили перебачіня, наприклад:

Фредерік Віллем де Клерк у 1997. році заявив: „Я прошу перебаченя, накулько можу, як лідер Націоналної партії, уд міліонув людий, котрі пострадали уд болячых насилных переміщень; котрі пострадали уд ганебных арештув за нарушеня законув за уднушні расові паспорты; котрі за десяткы рокув пострадали уд безчесної тай унижавучої расової дискримінації.“De Klerk apologises again for apartheid. South_African_Press_Association. 14 May 1997. У відеови, опублікованому по його смерти у 2021. році, ун послідньый раз попросив го перебачити за апартеїд, як на личному уровни, так и на політичному — ги експрезидент. Мартінус фан Шалквік: „Націонална партія принесла розвуй у єден дараб Южної Африкы, айбо у другу вна принесла страданя через систему, закладену на несправедливости“ — у заяві незадовго по голосованю Націоналної партії у 2005. році, бігом котрого вна рішила ся розпустити.Meldrum, Andrew (11 April 2005). Apartheid party bows out with apology . The_Guardian.Macharia, James (11 April 2005). South Africa apartheid party votes to dissolve . The_Boston_Globe. У 2006. році Адріаан Флок помыв ногы жертві апартеїда Франку Чікану, обы попросити перебачіня за утискы апартеїдного режима. Леон Весселс: „Теперь єм пересвідченый як ниґда, ож апартеїд быв страшнов хыбов у нашому краю. Южноафриканці не прислуховали ся до сміху и реваня єден другого. Перебачте, ож я так довго быв глухый.“Volume Five Chapter Six – Findings and Conclusions . Report of the Truth and Reconciliation Commission.

Хоснованя терміна у другых контекстах Історична ситуація у Южнуй Африці популаризовала термін „апартеїд“ и його далшоє хоснованя поза контекстом конкретно южноафриканської системы расової сеґреґації. Наприклад „злочин апартеїда“ є дефінованый у межинародному праві, у тому числі у Римському статуті 2007. року, котрый вытворив Межинародный криміналный суд, у котрому понятя занесеноє межи злочины против людства. Перед створіньом Межинародного криміналного суда такоє понятя увела у правовоє поле Межинародна конвенція за ліквідацію тай наказаня злочина апартеїда, уплатнена у 1976. році.

Термін „апартеїд“ быв узятый у хоснованя палестинськыми борцями за права тай ізраїльськыми и другыми орґанізаціями за людські права, обы означовати ізраїльську окупацію западного берега рікы Йордан тай тамтешньый барєр.Amisi, Baruti, and Simphiwe Nojiyeza. Access to Decent Sanitation in South Africa: The Challenges of Eradicating the Bucket System Baruti Amisi n. pag. Feb. 2008. Web. Палестинські борці за права пуднимали вопрос планованя хыж у гатарах Ізраїля до 1967. року, котроє дискриміновало против палестинськых громадян, и рувняли го з расовов сеґреґаційов. Другі протиставлявут такому назорови гадку, ож удношіня Ізраїля ид палестинцям не пудпадат пуд дефініцію апартеїда, бо є мотивованоє пережыванями за безпеку и не є скапчаноє из расов.

Соціалный апартеїд тото сеґреґація на основі класа вадь економічного статуса. Наприклад, соціалный апартеїд у Бразілії значит ушылиякі аспекты економічної нерувности у Бразілії. Економічну и соціалну дискримінацію позад ґендера пораз называвут ґендерным апартеїдом. Розділеня людий подля їх реліґійных віровань, позад законодавства вадь соціалных чекань, пораз называвут реліґійным апартеїдом. Общины у сівернуй Ірландії, наприклад часто ся розселявут подля реліґії — тот феномен описувут як „самоапартеїд“.

У містах позбавліня слободы є понятя карцералного апартеїда — стратеґічного хоснованя расового поділеня, обмана тай позаправовых стратеґій контроля, особено про придусеня політичного протеста чорнокожых.

Диспропорційні управліня тай контроль світової економікы и ресурсув державами тай компаніями „ґлобалного сівера“ знавут называти ґлобалным апартеїдом. Из ним скапчаноє щи понятя технолоґічного апартеїда — недоступности сучасных технолоґій державам „третього світу“ вадь „розвивавучым ся державам“. Сі два приклады хоснувут термін „апартеїд“ май волно, бо фокусувут ся на удношінях межи державами, а не дискримінації соціалных ґруп удну державы вадь політичної юрісдикції.

Ник. ищи Расизм Расова сеґреґація

Зазначкы

Референції

Катеґорія:Історія Югоафрицькой републікы Катеґорія:Діскрімінація Катеґорія:Расизм Катеґорія:Злочіны проти людскости