Думен быв карный лагер коло мѣста Рахово установленый 20. новембра 1938 на образ нацистичных гитлеровскых лагрох. Установив го новый премьер Подкарпатской Руси Волошин.
Предистория Мниховска догода (30. септембер 1938) отворила скриньку Пандоры и сосѣды Подкарпатской Руси зачали выступати з териториалными претензиями, опираючи ся при тых на подтримку Германии, котру старали ся зыскати дипломатичныма и иншыма способами.
В октобрѣ 1938 Польща, въедно з нацистичнов Германиев, ввела войско и окуповала Тѣшинску область Чехословакии, прилучивши ю ку Польщи як Западно-тѣшинскый повѣт (Powiat cieszyński zachodni).
В Жилинѣ представителѣ словацкых партий такой выголосили автономию Словакии (6. октобер 1938). В тяжкой ситуации парламент в Празѣ мусѣв нараз тоту автономию легислативно утвердити, а президент Емил Гаха именовав Йозефа Тиса премьером автономной Словакии. Мадярщина жадала достати етничны мадярскы землѣ и Тисови Мниховска догода нарядила под трема мѣсяцями догварити ся мирно з сосѣдом, што было нереално.
По заарештованю Андрея Бродия в Празѣ про Подкарпатску Русь было меноване нове проукраинске правительство з предсѣдником Августином Волошином (26. октобра 1938). Мадярщина жадала вернути собѣ цѣле Подкарпатя (Kárpátalja), жебы одновити историчну границю з Польщов, што было и жаданьем Польщи, котрого ся домогали не лем дипломатично, але и засылаючи терористичны боевы группы зо своих територий. Волошин мусѣв завести строгы мѣры против вонкашного неприятеля и своих политичных противникох в краю. При тому, подобно Тисови, ориентовав ся на взор Германии, не маючи ниякого иншого союзника. З боку Германии достав обѣцяня, же она не допустить захват края Мадярщинов.
Основаня карного лагра Думен
В новембрѣ, децембрѣ 1938 року «Урядовий вістник» Подкарпатской Руси ряснѣе судовыма рѣшенями о конфишкованю накладох и закрытю новинок, котры выступили з критиков власти. Тото была звычайна практика того часу ай во Словакии, ай в протекторатѣ Богемия. Але скоро уже того не было доста, и 18. новембра 1938 А. Волошин подписав роспоряджѣня о заряджѣню на горѣ Думен коло Рахова «концентраційного табора».
Меджи первыма лагерниками было новинарѣ зоз севлюшской новинкы «Тиса» въедно з редактором Василем Сцитовскым, пак священикы, учителѣ и т. п. Часопис «Тиса», по думцѣ правительства, загрожовав «публичный лад та безпеку, як і інші інтереси нашої держави... з окрема зі змісту статей ‘Хлѣба и роботы, а не летучок’» и др... Разгулов В. Белая книга. С.14
Лагер ся став мѣстом интернованя ай Русинох русинской и русофилской орьентации. Охранну службу в лагру забеспечовали члены Карпатской Сѣчи.
Еще еден лагер быв под Свалявов, про западны округы. Прокурор Велико-Березнянского округа жадав сурову кару про газдыню Елизавету Проскопф за ей слова: «Волошин дурный и цѣла влада дурна». Разгулов В. Белая книга. С.14 Лагерный режим и резултаты фунгованя Хоть А. Волошин назвав лагер концентрачным, в реалности лагер ани здалека не быв подобный нацистичным гитлеровскым. Окремы жерела твердять, же за цѣлый час фунгованя лагра (децембер 1938 – марец 1939) было там до 30 лагерникох, а было им дозволене час од часу выпросити ся и навщѣвити во своих социалных потребох недалеке Рахово.Магочій П.Р., Поп І. Думен. // Енциклопедія історії та культури карпатських русинів. Ужгород. Вид. В. Падяка, 2010.
Жерела Магочій П.Р., Поп І. (ред.) Енциклопедія історії та культури карпатських русинів. Ужгород. Вид. В. Падяка, 2010.
Пушкаш А.И. Цивилизация или варварство. Институт славяноведения РАН. М. «Европа», 2006. Разгулов Валерий. Белая книга. Издательский центр газеты «Карпатская панорама», 1999. Одказы Каревин А. Еще один украинский президент-2 Урядовий вістник правительства Підкарпатської Руси, ч.3. То же, ч.4. Референции
Катеґорія:Підкарпатьска Русь Катеґорія:Концентрачны лагры