Володимир Михайлович Гнатюк (, Велесньов, Австро-Мадярщина (теперь Чортковского району Тернопольской области)https://decentralization.gov.ua/locality/43251 17 липня 2020 року Верховна Рада України прийняла Постанову № 3650 «Про утворення та ліквідацію районів»] — , Львов) — украинскый етнограф, фолклорист, языкознатель, литературознатель, знатель умѣня, перекладатель, сполоченскый дѣятель.Микола Мушинка, сс. 23–70.

Биография ШтудииПоходив з небогатой 7-членной селянской родины. Зачаточну школу выходив во своем селѣ, а у вѣку 12 рокы зачав ся учити в нормалной народной школѣ Бучача (1883–1885), пак абсолвовав Бучачску низшу гимназию (1885–1899) ай Станиславовску (днесь Ивано-Франковск) высшу гимназию (1889–1894) и записав ся на филозофичну факулту Львовской универзиты, котру закончив в року 1898. Меджи угорскыма РусинамиВ яри 1895 в часописѣ Народ, котрый выдавали Иван Франко и Михайло Павлик, прочитав, же Михайло Драгоманов вызывать галичанску интелигенцию ити на Угорску Русь и подати помочь «братам, што капають под мадярскым гнетом». Такой того лѣта на вакациях з цимбором пѣшо перейшли од Лавочного через Воловое до Хуста, записуючи по селах фолклорны материалы. Зобраный материал схвалив во Львовѣ его професор Михайло Грушевскый, голова НТШ, ай Иван Франко, голова новоствореной Етнографичной секции НТШ, котры му вшитко обѣцяли финансово подтримати, опубликовати, а ещи му забештеловали, жебы написав статью о своей выправѣ про часопис Радикал, де Франко быв редактором. Окрыленый такым успѣхом, ся наступного року уже два раз выправив на Угорску Русь, а то не лем на лѣтных вакациях, але и в яри, в часѣ выукы на универзитѣ. В часѣ выправ не лем записовав фолклор, але и пропаговав украинску литературу, а в меджичасѣ своима публикациями критиковав мадярску владу за притисканя Русинох, кулминациев чого быв в року 1896 написаный в сполуавторствѣ з манифест І ми в Європі. Протест галицьких русинів проти мадярського тисячоліття. Четверта угроруська выправа вела в року 1897 до Бачкы, пята в року 1899 до Пряшовского краю. Шеста выправа в яри 1903 зачала ся в Будапештѣ, де по конзултации у , мала она вести по выходных краях, пограничных з етничыма румынскыма осадами (Банат), де тыж бывали Русины. Але на тот час уже зыскав собѣ репутацию российского шпиона з тым, же вдякы его публикации ку в России тамошны Болгары зобрали финанчну помочь про его брата Ивана Гуцу и передали му на Угорску Русь через и . Про то «московскый агент Гнатюк, што ходить по селах, роздаючи грошѣ» быв под непрестанным дозором полиции, так же ся многы люде уж и бояли пустити го жо хыж. В такых обстоянях тяжко ся застудив и мусѣв ся зречи свого плана и вернути ся до Львова. Але и ту зобраны ним материалы мають велику цѣну, бо суть они од Русинох, што пришли зо Шариша, а днесь уже ся цѣлком асимиловали. Проблемы з их интелигенциевРезултатом шѣстьох выправ были 6 томы Етнографичных материалох з Угорской Руси, выданых НТШ (, перевыданя ) и ещи окремы материалы.Павло Роберт Маґочій, Іван Поп Етнографичны материалы з Угорской Руси мають довъедна 2190 печатных сторон, але окрем них выдав ещи 115 титулы иншых научных робот, статей, рецензий на темы Угорской Руси. Як и его наставник Михайло Драгоманов, Гнатюк усиловав ся привернути угорскых Русинох ку украинской нации, де они, подля его твердого пересвѣдчѣня належать. Ему ся удало серед молодшой генерации привернути Гиадора Стрипского и Юрия Калмана Жатковича. Тоты опубликовали в галичанской пресѣ свои статьи по украинскы, але по даяком часѣ зрекли ся такых поглядох и розорвали контакты зоз Гнатюком и Галичинов. Вецей пощастило Гнатюкови з бачванскыма Руснаками. Под прямым вплывом в року 1904 выдав народнов речов з украинскым правописом идиличну поему 3 мойого валала штудент загребской гимназии Гавриил Костельник. И такой того рока старанями и академика Петербургской АН А. Шахматова достав за ню финанчну награду Российской Академии Наук в Петербургу. похвалив поему обширнов рецензиев Поетичний талант між бачванськими русинами в Литературно-научном вѣстнику и нарадив Костельника прийти ся учити на Львовской универзитѣ, а з часом ся Гавриил Костельник став найвызнамнѣйшым представительом бачваноруской литературы. И доднесь робота служить за взор про украинофилскых активистох Пряшовского края и Войводины. Животны клопоты В. Гнатюк од малости быв слабого здоровля але живой и темпераментной натуры. Як мав уж 12 рокы, отець му видѣв, же не надавать ся ани на земледѣлця, ани на ткача, двох традичных родинных занять, и дав го до монастырской школы учити ся на попа. Зато в далшых школах все быв переростком, о старшым од колег. На гимназии мав конфликты з професорами, а его справованя все было оцѣнене лем як «достаточне» або «менше одповѣдне». Наконець стратив ещи еден цѣлый рок выукы , коли му обѣцяли взяти го до Колегии в Римѣ, але то не вышло, а тогды постановив собѣ, же не буде попом, хоть то ся не буде любити отцьови. З гимназии быв поволаный до войска (1891), але бранецка комисия го вызнала неспособным до военской службы. Подля своих политичных поглядох подтримовав Руско-украинску радикалну партиюMykola Mushynka и быв познатый зоз своих радикалных выступох в пресѣ.Зжидоватілість мадярської преси Коли в року 1898 закончив универзиту и гледав собѣ пристойну роботу, жебы годен утримовати свою на тот час уже родину, подав приголошѣня на вакантне мѣсто подпрофесора львовской Академичной гимназии, котре было добрѣ плачене, але Школна крайова рада через его характер и погляды послала го до провинчной Самборской гимназии, жебы быв дале од Львова. Зато прияв понуку головы НТШ и став ся секретарьом НТШ (1899), але то была бабрачна а слабо плачена робота. Непрестанна финанчна тѣснота была далшым клопотом, котрый мучив до конця живота. В року 1902 первый раз выказала ся у него туберкулоза о лѣчив ся три мѣсяцѣ на островѣ Корфу з добрым резултатом, але уже наступного року тримѣсячне санаторне лѣчѣня под Вѣдньом не было достаточне, а на довже не стачило гроши. Конець животаВ року 1910 уже мусѣв мѣсяцями лежати в постели, а так продовжовав роботу. В року 1912 з той причины забрали од него редагованя Етнографичного зборника, а в року 1913 и Литературно-научного вѣстника. В року 1916 уже не мав з чого платити за бываня, а просив НТШ, жебы намѣсто гроши взяли од него ещи не публикованы роботы. В року 1920 Гиадор Стрипскый ай Иван Панькевич позвали го лѣчити ся до Подкарпатской Руси, але уже му про здоровля така дорога не была доступна. Жебы утримовати родину, мусѣв продавати цѣнны книгы зо своей библиотекы. Даколько разы просив помочь од НТШ, але не достав.

Научна робота В. Гнатюк быв едным з редакторох «Літературно-наукового вістника» и «Етнографічного збірника».Кудрицкий А.В. Во фолклористицѣ держав ся компаративно-историчного метода. По закончѣню универзиты од року 1899 и до смерти — секретарь НТШ. Од року 1902 — дописный член Российской академии наук. Од року 1916 — голова Етнографичной секции НТШ. Од року 1924 — член ВУАН. Редактор выдань НТШ Етнографічного збірника тай Матеріалів до української етнології и Літературно-Наукового Вістника. Як сполузакладатель, секретарь и головный сполуредактор Украинско-руского сполку выдавательох редаговав понад 150 книжок украинской и европской литературы (половку зо вшиткого, выданого сполком). Меджи иншыма перекладовав и выдавав роботы и пролетарскых писательох. https://web.archive.org/web/20220217204407/https://chtyvo.org.ua/authors/Hnatiuk_Volodymyr/

Публикации Серед робот Гнатюка: «Етнографічні ма­теріали з Угорської Руси» (т. 1, 2, 4–6; 1897–­1911), «Галицько-руські народні легенди» (2 т.; 1902—1903), «Коломийки» (3 т.; 1905-07), «Гаїв­ки» (1909), «Народні оповідання про опришків» (1910), «Колядки і щедрівки» (1914), «Українські народні байки» (2 т.; 1916), «Національне від­родження австро-угорських українців» (1916), «Народні новели» (1917), «Народні байки» (1918), «Як повставав світ: Народні легенди з історії природи й людського побуту» (1926). "Паленє та купанє відьом на Галичині"

Интересны факты В школѣ и гимназиях быв переростлым хлопчуком, о 4–5 рокы старшым од колег, зашто ся чув дискомфортно. 15. новембра 1894, ещи яко штудент гимназии оженив ся з Оленов Майковсков, грекокатолицков поповнов, а аж по тому, 15. децембра 1894 склав матуру. Универзиту закончив як отець двох дѣвок.

Жерела и одказы

Кудрицкий А.В. и др. (ред.): Украинский советский энциклопедический словарь в трех томах. / Главная редакция Украинской Советской Энциклопедии им. М.П. Бажана. К., 1988. Том 1. С. 429. Павло Роберт Маґочій, Іван Поп: Гнатюк Володимир Михайлович // Микола Мушинка Володимир Гнатюк: Життя та його діяльність у галузі фольклористики, літера­турознавства та мовознавства. Записки Наукового Товариства ім. Шевченка ./ Праці Філологічної Секції / — Одчитане 2021-05-17

Литература О. Черемшинський. Гнатюк Володимир Михайлович // Тернопільський енциклопедичний словник : у 4 т. / редкол.: Г. Яворський та ін. — Тернопіль : Видавничо-поліграфічний комбінат «Збруч», 2004. — Т. 1 : А – Й. — С. 367. —

Володимир Гнатюк. Доку­менти і матеріали (1871—1989). — Л., 1989; Літера­тура до знаменних і пам'ятних дат Тернопільщини на 1996 рік: Бібліографічний список. — Т., 1995.

Референции

Катеґорія:Україньскы языкознателї Катеґорія:Україньскы етноґрафы Катеґорія:Україньскы фолклорісты Катеґорія:Литературознателе