Ернев Рубик (, 13. юла 1944, Будапешт) — се мадярскый вынаходник, скулптор и професор архитектуры. Познатый во свѣтѣ дякуючи своим головоломкам, из котрых майславнѣйша коцка Рубика (1974).
Биография Походить з родины Ернева Рубика старшого, инженера авиаконштруктера и Магдолны Сантов, поеткы. Абсолвовав Вытварну и умѣлецко-промыслову гимназию, а в року 1967 зыскав фах ставебного инженера на Будапештской технично-економичной универзитѣ, пак до року 1971 штудовав скулптуру и дизайн интерьера на Высшой умѣлецко-промысловой школѣ. В зачатку 1980-х быв главным редактором часописа ...И грачка, а в року 1983 отворив Штудию Рубик, властный ательер на проектованя бутора и грачок. Од року 1987 — универзитный професор, а од року 1990 — ректор Мадярской инженерной академии. Его сын, Ернев Золтан — композитор и джезовый пианиста. Ернев Рубик вельо научив ся од отця, але найважнѣйшыма поважуе тоты знаня и практикы, што му дала универзита, котра го научила усиловности и выдержливости.
Книгы О своей роботѣ розповѣв ай в даколькых книгах. A bűvös kocka; szerk. Rubik Ernő, előszó David Singmaster; Műszaki, Bp., 1981 Bűvös négyzetek; Triál, Bp., 1987 Rubik-rejtvények. Vérbeli fejtörők, nem csak profiknak. Több mint száz vizuális rejtvény, valamennyi Rubik-színekben; bev. Rubik Ernő; Alexandra, Pécs, 2001 A mi kockánk; Libri, Bp., 2020
Важнѣйшы награды Державна награда 1983 Кошшутова награда 2007 Честный варощан Будапешта 2014 Орден Святого Иштвана 2014 Народный умѣлець 2014
Референции
Катеґорія:Вынаходници Катеґорія:Скулпторы Катеґорія:Педаґоґы