Михаил Алмаший, Михайло Іванович Алмашій, ( 1930, Ромочевиця, Подкарпатска Русь, Чехословакия – 2019, Ужгород, Украина) — русинскый педагог, языкознатель, збератель фолклора, културный и сполоченскый дѣятель, енциклопедиста, хормайстер.Магочій П.Р., Поп І.Петро Медвідь
Биография Школы Походив з селянской родины. Зачаточну школу выходив в родном селѣ (1937–1941). Середню освѣту достав на Мукачовской реалной гимназии, котра в року 1945 была реорганизована по совѣтской системѣ в середню школу №20 (1941–1949). На филологичной факултѣ новоствореной универзиты в Ужгородѣ зыскав диплому русского филолога (1949–1954).Гомоннай В. В., сс. 232–237. Педагогична и научна робота Уже од штудентскых рокох мав активну сполоченску позицию: быв старостом академгрупы, пять рокы активный участник научных конференций, а од третього рочника голова научного товаришства факулты, хормайстер штудентского хора и оркестра народных инштрументох историко-филологичной факулты, член шпортовой репрезентации универзиты (атлетика, фотбал, кошарка). Въедно з П. Линтуром занимав ся проблемами русинского фолклора, языка и литературы. Уже од пятого рочника, од року 1953 зачав працовати учительом русского языка и литературы в Залужанской середньой школѣ и оддав той роботѣ 43 рокы свого живота. Не лишив интерес ку музицѣ, быв членом Лигы народных композиторох Украины, майже повстороча быв ведучым школского оркестра народных инштрументох, з котрым ходив по гостьовых выступах и зыскав званя Взорного колектива. Нераз его педагогична робота была оцѣнена одзнаками, меджи тыма званя Заслуженый учитель Украины (1983), одзнака Взорный працовник освѣты (1996), Чоловѣк року Мукачовщины (1997).Шарган Г., Закривидорога О.
Сполоченска робота Од року 1989 активно став на чоло русинской народной оброды. Од року 1994 голова областного Общества А. Духновича на Подкарпатю, од року 1996 основатель и ведучый хора Стара спѣванка, котрый вертать до живота спѣванкы подкарпатскых Русинох, ведучый церковного хору села Ромочевиця-Залуж.Магочій П.Р., Поп І. Активно ся участнить в процесѣ кодификации русинского языка, Е автором сучасной граматикы подкарпатского варианту русинского языка и вельох далшых русинистичных робот.
Умер в Ужгородѣ 6. юна 2019 во вѣку 88 рокы, яко до конця активный працовник русинской културной нивы. Погребеный на Доманинском теметовѣ.Иван Роман Лишив жену, двох одданых дѣвок з властныма дѣтми.
Творба Выступав активно в пресѣ з публикациями, переважно народописного характера, на темы истории, языка, вызначных особ Подкарпатской Руси и звязаных з ньов, з рецензиями на новы публикации русинскых авторох и о Русинах, з чертами о интересных, малопознатых, або забытых подѣях и людях своей отцюзнины. Яко словникарь и енциклопедиста выдав цѣлу библиотеку властных книг, а тыж быв активным сполуавтором в найлѣпшых енциклопедиях о Русинах, котры доднесь появлены. Неповна библиография его пресовых публикаций и властных книжок станом на рок 2015 числить 557 позиций.Алмашій М.: Бібліографія, сс. 559–574.
Жерела и одказы Алмашій М.: Бібліографія. //Михаил Алмашій. Еволуція світозора. — Ужгород: Карпатська Вежа, 2015. 582 с. Гомоннай В. В. Антологія педагогічної думки Закарпаття (XIX–XX ст.) — Ужгород: Вид-во «Закарпаття», 1992. Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. , с. 7. Шарган Г., Закривидорога О.: Михайло Іванович Алмашій: 75-річчя з дня народження заслуженого вчителя України, хормейстера (народився 1930). //Календар краєзнавчих пам'ятних дат на 2005 рік — Ужгород: Вид-во Падяка, 2004. Сс. 255–259. Михайло Алмашій ославив 85 років свого жывота // Академія русиньской културы в СР
Референції
Катеґорія:Русиньскы педаґоґы Катеґорія:Русиньскы народны дїятелї Катеґорія:Русиньскы лінґвісты Катеґорія:Енциклопедисты