Донецька народна републіка (скорочено ДНР, ) — сепаратістічне штатне утворїня на выходї Україны, котре підпоровала і контролёвала Росія. В роках 2014–2022 екзістовала як самозваный штат, потім была Росіёв анектована як субєкт федерації. ДНР сі претендує теріторії Донецькой области Україны. Головным містом є Донецьк. Україна означує Донецьку народну републіку за «терорістічну орґанізацію на окупованій теріторії Донецькой области» и зачала проти ней «антітерорістічну операцію (АТО)» (); подля україньской леґіслатівы, на означіня понятя «Донецька народна републіка» треба хосновати термін «окупаційна адміністрація Російської Федерації в окупованій Донецькій області».
Історія Процес ся зачав 7. апріля 2014, коли сепаратісты, заяли будинок Донецькой облдержадміністрації, а наступно выголосили на 11. мая референдум о независлости своёй псевдреспубликы, котру назвали Донецка Народна Република.
13. апріля 2014 «дочасный презідент» Україны, Олександер Турчинов, выголосив зачаток антітерорістічной операції против незаконных збройных формацій із насаджінём збройных сил Україны.
11 мая на части теріторії Донбаса одбыв ся анонсованый референдум о независлости ДНР, на котрому, подля сепаратістів, около 90 % населїня, што пришло на референдум, проголосовали за независлость. На основі того проводця донецкых сепаратістів Денис Пушилин выголосив независлость «людовой републикы».
Російська Федерація удїлює сепаратістам ДНР всяку воєньску, економічну, торговну тай дипломатичну поміч, але самы російскы водці денонсують тот факт і выголошують, ож жителї Донбасу ведуть войну против «злочинного режиму» в Українї. Подля шацованя Crisis Group Europe and Central Asia Briefing N°79 (5 February 2016) тото обтяжує російскый буджет о рочно.
Донецька народна републіка з 2022 дістала узнаня од 3 членів штатів ОСН: Росія, Сірія, Северна Корея.
Референції
Катеґорія:Субєкты Росії