Новоселиця — село в Межгорском районѣ Закарпатской области Украины.

Днешность села Село оддалене 23 км од Межгорья. В нижном конци села злитьем меншых поточков зачинать ся поток Голятинка, приток рѣчкы Рѣка. Село умѣстнене под галицков границев, на другой сторонѣ котрой лежить село Ялинкувате, оддалене около 15 км з перепадом высот дорогы около 200 м. Од центра Новоселицѣ до желѣзничной штации Воловець — 55 км. Середня надморска вышка 675 м. Найвысша точка над селом — Чорна Рѣпа Мапа высот в околици од mapy.cz (1285 м), находить ся на Ивано-Франковской граници. Примѣрно в едном километрѣ од Чорной Рѣпы на сѣверо-восток лежить верх Ровный (1276 м), де стыкають ся границѣ трех областей: Закарпатской, Ивано-Франковской и Львовской. Новоселиця занимать площу 42 км², з чого 17 км² — сѣнокосы и паствиска, 5 км² — ораниця. Новоселиця. // Тронько П. и др. (ред.). Історія міст і сіл Української РСР. Том 7. Київ, 1969. С. 473. Обывательство подля списованя-2001 чинить 1054 особы. Поштовый индекс — 90013. Телефонный код — 3146. Адрес сельской рады: 90013, Закарпатська обл., Міжгірський р-н, с. Новоселиця, 147.

История В писемных жерелах село упоминать ся року 1599, тогды называло ся Вышный Голятин (Felseo Holyatyn). Року 1715 упоминать ся яко Новый Голятин (Ujholyatin). Село основали землепанскы роды Бѣлкейов и Долгайов.

Року 1910 в селѣ были 1064 обывателѣ, з того Русины — 898, Нѣмцѣ — 156, Мадяре — 9, иншы — 1. Подля вѣры: грекокатолици — 906, израелиты — 157, иншы — 1.A történelmi Magyarország atlasza és adattára 1914 В селѣ находить ся грекокатолицка церковь св. Михаила, освячена року 1851, матрику ведуть од року 1760.Достал Я. Підкарпатська Русь. (Закарпаття періоду Чехословацької республіки 1919–1938). Ужгород, 2014. С. 133. Мадярска назва Tarújfalu повела ся од року 1904, коли реализовали урегулованя назв сел. До Трианона село административно належало ку Воловскому округу (Ökörmezői járás) жупы Мараморош (Máramaros vármegye).A történelmi Magyarország atlasza és adattára 1914

Року 1930 в селѣ было 1155 жителей, з них Русинов — 930, Евреев — 181, Чехов и Словаков — 20, Нѣмцьов — 1, иншых — 23. Грекокатоликов — 929. В селѣ быв нотарскый уряд. Была четыриклассна руська школа. Достал Я. Підкарпатська Русь. (Закарпаття періоду Чехословацької республіки 1919–1938). Ужгород, 2014. С. 133.

За «другых Мадяров» (1939–1944) веце як 60 людей из села утѣкли до Совѣтского Союзу. Червена армия пришла в село 13. октобра 1944. Року 1969 в селѣ жило 1258 людей. Была розмѣщена централна управа колгоспу «Перемога». В Новоселици были зачаточна школа, восямрочна школа, клуб, болниця на 15 постелей. Новоселиця. // Тронько П. и др. (ред.). Історія міст і сіл Української РСР. Том 7. Київ, 1969. С. 473.

Заимавости Подля дакотрых жерел, в околици села находять ся слѣды едной давной шахты, такого типа, в якых добывала ся соль еще за доб римлянскых в давной Дакии, до котрой належав и Мараморош. Были то ямы, до 40 м глубокы, 4–8 м широкы и 15–30 м довгы. Тот способ добываня соли удержав ся до середновѣку. Dr. Jiří Král: Podkarpatská Rus. V Praze, nákladem vlastním, 1924. S. 42.

Жерела Достал Я. Підкарпатська Русь. (Закарпаття періоду Чехословацької республіки 1919–1938). Ужгород, 2014. Тронько П. и др. (ред.). Історія міст і сіл Української РСР. Том 7. Закарпатська область. Київ, 1969. С. 374. A történelmi Magyarország atlasza és adattára 1914 Dr. Jiří Král. Podkarpatská Rus. V Praze, nákladem vlastním, 1924.

Одказы Достал Я. Підкарпатська Русь (Закарпаття періоду Чехословацької республіки: 1919-1938) pdf . Мапа высот в околици Тронько П. и др. (ред.). Історія міст і сіл Української РСР. Том 7. Закарпатська область. Київ, 1969. Церковь в Новоселици (фото)

Референции

Катеґорія:Села Україны Катеґорія:Населены пункты Закарпатской области Катеґорія:Населены пункты Украины